International
ബഗ്ദാദിലെ യു എസ് എംബസിക്ക് സമീപം വീണ്ടും റോക്കറ്റാക്രമണം; ആളപായമില്ല
ബഗ്ദാദ് | അമേരിക്കയും ഇറാനും തമ്മില് സംഘര്ഷം നിലനില്ക്കുന്നതിനിടെ ബഗ്ദാദിലെ അമേരിക്കന് എംബസിക്ക് സമീപം വീണ്ടും റോക്കറ്റാക്രമണം. ഞായറാഴ്ച വൈകുന്നേരം കനത്ത സുരക്ഷാ മേഖലയായ ഗ്രീന് സോണില് റോക്കറ്റ് പതിച്ചതായി ഇറാഖ് അധികൃതര് അറിയിച്ചു. ഗ്രീന് സോണിലെ യു എസ് എംബസിക്ക് സമീപം സൈറണ് മുഴങ്ങിയതായി ദൃക്സാക്ഷികള് പറഞ്ഞു.
ആക്രമണത്തില് ആര്ക്കും പരുക്കേറ്റിട്ടില്ലെന്നും ബഗ്ദാദിലെ അല് ഗദീര് പ്രദേശത്തു നിന്നാണ് മിസൈല് വന്നതെന്നും ഇറാഖ് സുരക്ഷാ സേന സ്ഥിരീകരിച്ചു. അതേസമയം, തെക്കന് ബഗ്ദാദിലെ റാഷിദ് പരിസരത്തെ ചത്വരത്തില് നിന്നാണ് മിസൈല് വന്നതെന്ന് പ്രാഥമികാന്വേഷണത്തില് വ്യക്തമായെന്നും ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ലെന്നുമാണ് ഇറാഖ് പോലീസ് വൃത്തങ്ങള് പറയുന്നത്.
---- facebook comment plugin here -----