Connect with us

Kerala

എന്‍ജിനീയറിംഗ് കോളജ് പരീക്ഷയുടെ ചോദ്യ പേപ്പര്‍ ഉപയോഗിച്ച് നടത്തിയ സര്‍വ്വകലാശാല പരീക്ഷ റദ്ദാക്കി; അധ്യാപകനെതിരെ നടപടിയുണ്ടായേക്കും

Published

|

Last Updated

തിരുവനന്തപുരം | സര്‍ക്കാര്‍ എന്‍ജിനീയറിങ് കോളജില്‍ നടത്തിയ പരീക്ഷയുടെ ചോദ്യപേപ്പര്‍ ഉപയോഗിച്ച് സാങ്കേതിക സര്‍വകലാശാല നടത്തിയ ബി ടെക് പരീക്ഷ റദ്ദാക്കി. ജനുവരി ഒന്നിന് നടത്തിയ ബി ടെക് മൂന്നാം സെമസ്റ്റര്‍ കമ്പ്യൂട്ടര്‍ സയന്‍സ് ബ്രാഞ്ചിന്റെ സ്വിച്ചിങ് തിയറി ആന്‍ഡ് ലോജിക് ഡിസൈന്‍ പരീക്ഷയാണ് റദ്ദാക്കിയത്. പുതുക്കിയ പരീക്ഷ തീയതി പിന്നീട് അറിയിക്കും. സംഭവത്തില്‍ ചോദ്യ പേപ്പര്‍ തയ്യാറാക്കിയ അധ്യാപകനെതിരെ നടപടിയുണ്ടായേക്കുമെന്നാണ് അറിയുന്നത്.

തിരുവനന്തപുരം കോളജ് ഓഫ് എന്‍ജിനീയറിങ്ങില്‍ കഴിഞ്ഞ സെപതംബറില്‍ നടത്തിയ സീരീസ് പരീക്ഷ ചോദ്യപേപ്പറില്‍ നിന്ന് ഒരു ചോദ്യം മാത്രം ഒഴിവാക്കി മറ്റുള്ളവ അതേപടി പകര്‍ത്തിവെച്ചാണ് സര്‍വകലാശാല പരീക്ഷ ചോദ്യപേപ്പറിന്റെ ഒന്നാം പാര്‍ട്ട് തയ്യാറാക്കിയത്. സി ഇ ടിയിലെ അധ്യാപകന്‍ തന്നെയാണ് സര്‍വകലാശാല പരീക്ഷക്കുള്ള ചോദ്യ പേപ്പറും തയാറാക്കിയതെന്നാണ് സൂചന. ഈ സാഹചര്യത്തില്‍ അധ്യാപകനെതിരെ നടപടിക്ക് സാധ്യതയുണ്ടെന്നാണ് അറിയുന്നത്.