മുൻ സന്തോഷ് ട്രോഫി താരം ധനരാജൻ ഫുട്ബോൾ മത്സരത്തിനിടെ കുഴഞ്ഞു വീണു മരിച്ചു

പെരിന്തൽമണ്ണ | അഖിലേന്ത്യ ഫുട്ബോൾ മത്സരം നടക്കുന്നതിനിടയിൽ പെരിന്തൽമണ്ണ ടീം അംഗവും മുൻ സന്തോഷ് ട്രോഫി താരവുമായ പാലക്കാട് തൊട്ടെക്കാട് തെക്കോണി വീട്ടിൽ ധനരാജ് (40) കുഴഞ്ഞു വീണ് മരിച്ചു.
ആദ്യപകുതി അവസാനിക്കാൻ മിനിറ്റുകൾ ശേഷിക്കെയാണ് നെഞ്ച് വേദന അനുഭവപ്പെട്ടത്.

ധനരാജ് കൈയുയർത്തി റഫറിയോട് ഇക്കാര്യം പറയുകയും ഉടൻ കുഴഞ്ഞു വീഴുകയും ആയിരുന്നു. സ്റ്റേഡിയത്തിലുണ്ടായിരുന്ന ഡോക്ടറും മെഡിക്കൽ സംഘവും എത്തി ഉടനെ മൗലാനാ ആശുപത്രിയിലേക്ക് മാറ്റി. അര മണിക്കൂറിനകം മരണം സംഭവിച്ചു. പത്ത് വർഷത്തോളം കൊൽക്കത്തയിലെ വിവിധ ക്ലബ്ബുകളിൽ കളിച്ചിട്ടുണ്ട്. മുഹമ്മദൻസിന്റെ ക്യാപ്റ്റനായിരുന്നു.