Gulf
യാമ്പു മല്ഗോവ എഫ് സി ഫുട്ബാള്: ആര് സി എഫ് സി ടീം ജേതാക്കള്
യാമ്പു | മല്ഗോവ എഫ് സി യാമ്പു അന്നബീബ് സ്റ്റേഡിയത്തില് സംഘടിപ്പിച്ച ഫൈവ്സ് ഫുട്ബാള് മത്സരത്തില് ആര് സി എഫ് സി ടീം ജേതാക്കളായി. റീഗല് ഡേ ടുഡേ മല്ഗോവ എഫ് സി ടീമിനെയാണ് പരാജയപ്പെടുത്തിയത്. നിശ്ചിത സമയത്തും ഗോള്രഹിത സമനിലയില് പിരിഞ്ഞതിനാല് ടൈബ്രേക്കറിലൂടെയാണ് വിജയികളെ കണ്ടെത്തിയത്.
ടൂര്ണമെന്റിലെ നല്ല കളിക്കാരനായി ആര് സി എഫ് സിയിലെ നജീബിനെയും നല്ല ഗോളിയായി സുജീഷ് കുമാറിനെയും തിരഞ്ഞെടുത്തു. മല്ഗോവ എഫ് സി യിലെ നൂനുവാണ് നല്ല സ്റ്റോപ്പറര്. ഫൈറ്റേഴ്സ് കണ്ണൂരിന്റെ ശംസുദ്ദീനാണ് ടോപ്പ് സ്കോറര്. വിജയികള്ക്കുള്ള ട്രോഫികളും സമ്മാനങ്ങളും ഷബീര് ഹസ്സന്, ഫര്ഹാന് മോങ്ങം, നാസര് മുക്കില്, മുജീബ് ആറാമെക്സ് വിതരണം ചെയ്തു. റിഷാദ് ചാലിയം, സാജിദ് ഫറോക്ക്, ഷമീര് കോഴിക്കോട്, അമീര്, സിദീഖ്, അസീസ്, കാസിം എന്നിവര് മത്സരത്തിന് നേതൃത്വം നല്കി.
---- facebook comment plugin here -----