Gulf
സഊദിയില് വാഹനാപകടം; നാല് ഇന്ത്യന് തൊഴിലാളികള് മരിച്ചു
ദമാം: സഊദി അറേബ്യയിലെ മക്ക-ത്വാഇഫ് പാതയില് വാഹനങ്ങള് കൂട്ടിയിടിച്ച് നാല് ഇന്ത്യന് തൊഴിലാളികള് മരിച്ചു. രണ്ടുപേര്ക്ക് ഗുരുതരമായി പരുക്കേറ്റു. ഉത്തര്പ്രദേശ് സ്വദേശികളായ ബൈരിലാല് ശിവ് ബാലക്, രാജസ്ഥാന് സ്വദേശി ഗീവര്ദാലി ചന്ദ്, ഷൗക്കത്ത് അലി, മുംബൈ സ്വദേശി ഫൈദ ഹുസ്സൈന് സിദ്ധീഖി എന്നിവരാണ് മരിച്ചത്. പരുക്കേറ്റവരെ കിങ് അബ്ദുല് അസീസ് ആശുപത്രിയിലും പ്രവേശിപ്പിച്ചു. തൊഴിലാളികള് സഞ്ചരിച്ച മിനി ട്രക്കും സ്വദേശി സഞ്ചരിച്ച കാറും തമ്മിലാണ് കൂട്ടിയിടിച്ചത്. സ്വകാര്യ കമ്പനിയിലെ ജീവനക്കാരായ 24 പേര് സഞ്ചരിച്ച ട്രക്കിനെ അതിവേഗതയിലെത്തിയ കാര് ഇടിക്കുകയായിരുന്നു.
ത്വാഇഫിലെ സൈലുല് കബീര് വഴി മക്കയിലേക്കുള്ള റോഡില് ശറഫിയ എന്ന സ്ഥലത്ത് ബുധനാഴ്ച രാവിലെ ഏഴു മണിക്കായിരുന്നു അപകടം. ഇടിയുടെ ആഘാതത്തില് ഡിവൈഡറില് തട്ടി ട്രക്ക് മറിയുകയായിരുന്നു. നാലുപേരും സംഭവസ്ഥലത്ത് വെച്ച് തന്നെ മരിച്ചു. മൃതദേഹങ്ങള് ത്വാഇഫ് കിങ് ഫൈസല് ആശുപത്രി മോര്ച്ചറിയിലേക്ക് മാറ്റി.
Latest
വോട്ടെടുപ്പ് മാറ്റിവച്ച മൂന്ന് തദ്ദേശ വാർഡുകളിൽ തിരഞ്ഞെടുപ്പ് വിജ്ഞാപനം നാളെ
ശബരിമല സ്വര്ണ്ണക്കൊള്ള; മുന്കൂര് ജാമ്യാപേക്ഷയുമായി മുന് ദേവസ്വം സെക്രട്ടറി ജയശ്രീ സുപ്രീം കോടതിയില്
തൃശൂരില് പ്ലസ് ടു വിദ്യാര്ഥിനി പൊള്ളലേറ്റ് മരിച്ചു
അതിജീവിത മുഖ്യമന്ത്രിയുമായി കൂടിക്കാഴ്ച നടത്തി; സര്ക്കാര് ഒപ്പമുണ്ടെന്നും അപ്പീല് പോകുമെന്നും ഉറപ്പ് നല്കി
സിഡ്നി ബോണ്ടി ബീച്ച് വെടിവെപ്പ്: അക്രമികളിൽ ഒരാൾ ഹൈദരാബാദ് സ്വദേശി; ഇന്ത്യൻ പാസ്പോർട്ടുള്ളയാൾ
ഒ കെ ഉസ്താദ് ചരിത്ര സെമിനാറും അനുസ്മരണ സമ്മേളനവും മറ്റന്നാൾ മലപ്പുറത്ത്
