Ongoing News
ഗോകുലം പൊരുതി വീണു, അബഹാനി ഫൈനലില്‍
ധാക്ക: ഷെയ്ഖ് കമാല്‍ ഇന്റര്‍നാഷണല്‍ ക്ലബ്ബ് കപ്പില്‍ ഗോകുലം കേരള എഫ് സിയുടെ പോരാട്ടം സെമിഫൈനലില്‍ അവസാനിച്ചു.
ആവേശകരമായ പോരില്‍ ബംഗ്ലാദേശ് ടീമായ ചറ്റോഗ്രാം അബഹാനി എക്‌സ്ട്രാ ടൈമില്‍ ജയം സ്വന്തമാക്കി (3-2). ഐവറികോസ്റ്റ് മിഡ്ഫീല്‍ഡര്‍ ജീന്‍ ചാള്‍സ് ദിദിയര്‍ നേടിയ രണ്ട് ഗോളുകളാണ് മത്സരഗതി മാറ്റിമറിച്ചത്.
രണ്ട് തവണ ലീഡ് നേടിയ ഗോകുലത്തെ പിറകിലാക്കിയത് ഐവറികോസ്റ്റ് താരത്തിന്റെ ഗോളടിയാണ്. അധിക സമയത്ത് നൈജീരിയന്‍ സ്‌ട്രൈക്കര്‍ ചിനേദു മാത്യുവാണ് വിജയഗോള്‍ നേടിയത്. മൂന്ന് എഡിഷനുകളിലായി ഇത് മൂന്നാം തവണയാണ് അബഹാനി ഫൈനലില്‍ പ്രവേശിക്കുന്നത്.
ആദ്യ പകുതിയില്‍ കിസെകയാണ് ഗോകുലത്തെ മുന്നിലെത്തിച്ചത്. ടൂര്‍ണമെന്റില്‍ കിസെകയുടെ അഞ്ചാം ഗോളായിരുന്നു ഇത്.
ടോപ് സ്‌കോറര്‍ സ്ഥാനവും കിസെകക്കാണ് നിലവില്‍. ഇരുപത്തൊമ്പതാം മിനുട്ടിലായിരുന്നു ഗോള്‍. നാല്‍പ്പത്താറാം മിനുട്ടില്‍ ദിദിയര്‍ സമനില നേടി.
രണ്ടാം പകുതിയില്‍ ജോസഫ് മാത്യുവിലൂടെ ഗോകുലം വീണ്ടും ലീഡെടുത്തു. തൊണ്ണൂറാം മിനുട്ടില്‍ അബഹാനി സമനില കണ്ടെത്തി. നൂറ്റിനാലാം മിനുട്ടിലാണ് അബഹാനിയുടെ ജയം ഉറപ്പാക്കിയ നൈജീരിയന്‍ ഗോള്‍ പിറന്നത്.
Latest
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
മോദി പരിഭ്രാന്തിയില്‍, താമസിയാതെ വേദിയില്‍ പൊട്ടിക്കരഞ്ഞേക്കും: രാഹുല്‍
കോഴിക്കോട് കക്കാടംപൊയിലില്‍ വോട്ട് ചെയ്യാന്‍ പോയ കുടുംബം സഞ്ചരിച്ച കാര്‍ കത്തി നശിച്ചു
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
