Kerala
ഇരുചക്ര വാഹനത്തിലെ പിന്സീറ്റ് യാത്രക്കാര്ക്ക് ഹെല്മറ്റ് നിര്ബന്ധമാക്കും: മന്ത്രി എ കെ ശശീന്ദ്രന്
തിരുവനന്തപുരം: കോടതി വിധിയുടെ പശ്ചാത്തലത്തില് കാറിലെ പിന്സീറ്റ് യാത്രക്കാര്ക്ക് സീറ്റ് ബെല്റ്റ് നിര്ബന്ധമാക്കുന്നതിന് പുറമെ ഇരുചക്രവാഹനങ്ങളിലെ പിന്സീറ്റ് യാത്രക്കാര്ക്കും ഹെല്മറ്റ് നിര്ബന്ധമാക്കുമെന്ന്് ഗതാഗത മന്ത്രി എ കെ ശശീന്ദ്രന്. കോടതിവിധി നടപ്പിലാക്കാനാണ് സര്ക്കാര് ഉദ്യേശിക്കുന്നത്.
ഹെല്മറ്റ്, സീറ്റ് ബെല്റ്റ് വിഷയത്തില് ആദ്യപടിയായി ബോധവല്ക്കരണം നടത്തുമെന്നും മാധ്യമപ്രവര്ത്തകരുടെ ചോദ്യത്തിന് മറുപടിയായി മന്ത്രി പറഞ്ഞു. ബൈക്കിലെ പിന്സീറ്റ് യാത്രക്കാര്ക്ക് ഹെല്മറ്റും കാറിലെ എല്ലാ യാത്രക്കാര്ക്കും സീറ്റ് ബെല്റ്റും നിര്ബന്ധമാക്കിയ സുപ്രീം കോടതി വിധി സംസ്ഥാനത്ത് നടപ്പാക്കണമെന്ന് കഴിഞ്ഞ ദിവസം ഗതാഗത സെക്രട്ടറി നിര്ദേശിച്ചിരുന്നു. സുപ്രീംകോടതി വിധി സംസ്ഥാനത്ത് കാര്യക്ഷമമായി നടപ്പാക്കുന്നില്ലെന്ന് ചൂണ്ടിക്കാട്ടി ഗതാഗത കമ്മീഷണര്ക്ക് ഗതാഗത വകുപ്പ് പ്രിന്സിപ്പല് സെക്രട്ടറി കെ ആര് ജ്യോതിലാല് കത്തു നല്കിയിരുന്നു. ഇതിന് പിറകെയാണ് മന്ത്രിയുടെ പ്രതികരണം