Connect with us

Kannur

ഡോക്ടര്‍മാര്‍ ജോലി ബഹിഷ്‌ക്കരിച്ച് സമരം ചെയ്യുന്നതിനോട് യോജിപ്പില്ല: മന്ത്രി കെ കെ ശൈലജ

Published

|

Last Updated

കണ്ണൂര്‍: ബംഗാളില്‍ ജൂനിയര്‍ ഡോക്ടര്‍ക്കെതിരായ അക്രമത്തില്‍ പ്രതിഷേധിച്ച് സംസ്ഥാനത്തും ഡോക്ടര്‍മാര്‍ പ്രഖ്യാപിച്ച സമരത്തോട് വിയോജിപ്പ് പ്രകടിപ്പിച്ച് സംസ്ഥാന ആരോഗ്യമന്ത്രി കെ ക ശൈലജ.
ഡോക്ടര്‍മാര്‍ ജോലി ബഹിഷ്‌കരിച്ച് സമരം ചെയ്യുന്നതിനോട് യോജിപ്പില്ലെന്നും അത് ശരിയായ നടപടിയല്ലെന്നും മന്ത്രി പറഞ്ഞു.

മനുഷ്യജീവനുമായി ബന്ധപ്പെട്ട് പ്രവര്‍ത്തിക്കുന്നവരാണ് ഡോക്ടര്‍മാര്‍. ഡ്യൂട്ടി ബഹിഷ്‌കരിച്ച് അവര്‍ ഇറങ്ങി പോരുമ്പോള്‍ അപകടത്തിലാവുന്നത് മനുഷ്യജീവനാണ്. അവരുടെ അവകാശം പ്രകടിപ്പിക്കാന്‍ സൂചന പണിമുടക്കുകളെല്ലാം ആവാം. എന്നാല്‍ ജോലി ബഹിഷ്‌ക്കരിച്ചുള്ള സമരത്തോട് ഒരു തരത്തിലും യോജിക്കാനാവില്ലെന്നും മന്ത്രി പറഞ്ഞു.

ഡോക്ടര്‍മാരുടെ ദേശീയ പണിമുടക്കിന്റെ ഭാഗമായി കേരളത്തില്‍ സമരം നടത്തുമെന്ന ഡോക്ടര്‍മാരുടെ സംഘടനയുടെ പ്രസ്താവന തന്റെ ശ്രദ്ധയില്‍പ്പെട്ടിട്ടില്ലെന്നും ഇതുമായി ബന്ധപ്പെട്ട് തനിക്ക് നോട്ടീസ് ഒന്നും ലഭിച്ചിട്ടില്ലെന്നും ആരോഗ്യമന്ത്രി പറഞ്ഞു.

---- facebook comment plugin here -----

Latest