National
തമിഴ്‌നാട്ടിലെ സ്‌റ്റെറിലൈറ്റ് പ്ലാന്റ് പൂട്ടിയ സര്‍ക്കാര്‍ നടപടി ഹരിത ട്രിബ്യൂണല്‍ റദ്ദാക്കി
ചെന്നൈ: തമിഴ്‌നാട്ടില്‍ വന്‍ പ്രക്ഷോഭത്തിന് ഇടനല്‍കിയ വേദാന്ത സ്‌റ്റെറിലൈറ്റ് ഫാക്ടറി അടച്ചുപൂട്ടിയ സര്‍ക്കാര്‍ ഉത്തരവ് ദേശീയ ഹരിത ട്രിബ്യൂണല്‍ റദ്ദാക്കി. വേദാന്തയുടെ അനുമതി പത്രം മൂന്നാഴ്ചക്കകം പുതുക്കിനല്‍കണമെന്ന് തമിഴ്‌നാട് മലിനീകരണ നിയന്ത്രണ ബോര്‍ഡിന് ട്രിബ്യൂണല്‍ നിര്‍ദേശം നല്‍കി. അടുത്ത മൂന്ന് വര്‍ഷക്കാലയളവില്‍ ഫാക്ടറിയുടെ ദുരിതമനുഭവിക്കുന്നവരുടെ ക്ഷേമപ്രവര്‍ത്തനങ്ങള്‍ക്കായി ഒരു കോടി രൂപ ചെലവഴിക്കണമെന്ന് കമ്പനിക്ക് ട്രബ്യൂണല്‍ നിര്‍ദേശം നല്‍കിയിട്ടുണ്ട്. പദ്ധതി പ്രദേശത്തെ ജനങ്ങളുടെ ആരോഗ്യം, കുടിവെള്ളം, ആശുപത്രി തുടങ്ങിയ മേഖലകളില്‍ തുക ചെലവഴിക്കാമെന്ന് കമ്പനി ട്രിബ്യൂണലിനെ അറിയിച്ചു. ഇതോടെ ഫാക്ടറി വീണ്ടും തുറക്കാന്‍ കളമൊരുങ്ങി.
അന്തരീക്ഷ മലിനീകരണത്തിന് കാരണമാകുന്നുവെന്ന് ചൂണ്ടിക്കാട്ടി പ്രതിഷേധം ശക്തമായതോടെയാണ് ഫാക്ടറിക്ക് പൂട്ടിടാന്‍ തമിഴ്‌നാട് സര്‍ക്കാര്‍ തീരുമാനിച്ചത്. ഫാക്ടറി വിരുദ്ധ സമരക്കാര്‍ക്ക് നേരെ പോലീസ് നടത്തിയ വെടിവെപ്പില്‍ 13 പേര്‍ കൊല്ലപ്പെടുകയും ചെയ്തിരുന്നു.
Latest
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
