National
നാഷണല്‍ ഹെറാള്‍ഡ് കേസ്: രാഹുലിന്റെയും സോണിയയുടെയും നികുതി റിട്ടേണ്‍ പരിശോധിക്കാം- സുപ്രീം കോടതി
ന്യൂഡല്‍ഹി: നാഷണല്‍ ഹെറാള്‍ഡ് കേസില്‍ കോണ്‍. അധ്യക്ഷന്‍ രാഹുല്‍ ഗാന്ധിയുടെയും മാതാവ് സോണിയ ഗാന്ധിയുടെയും നികുതി റിട്ടേണുകള്‍ ആദായ നികുതി വകുപ്പിന് പരിശോധിക്കാമെന്ന് സുപ്രീം കോടതി. എന്നാല്‍, കേസിന്റെ വിചാരണ നടന്നുവരുന്നതിനാല്‍ നടപടി പാടില്ലെന്നും കോടതി നിര്‍ദേശിച്ചു. ജസ്റ്റിസ് എം കെ സിക്രി അധ്യക്ഷനായ ബഞ്ചിന്റെതാണ് ഉത്തരവ്. കേസിലെ തുടര്‍വാദം ജനുവരി എട്ടിലേക്കു മാറ്റി.
2011-12 കാലത്തെ നികുതി റിട്ടേണ്‍ പരിശോധിക്കുന്നതിനെതിരെ രാഹുല്‍, സോണിയ, എന്നിവരെ കൂടാതെ കോണ്‍. നേതാവ് ഓസ്‌കാര്‍ ഫെര്‍ണാണ്ടസും ഹരജി നല്‍കിയിരുന്നു. പത്രം ഏറ്റെടുത്ത പ്രസ്തുത സാമ്പത്തിക വര്‍ഷത്തെ വരുമാനവുമായി ബന്ധപ്പെട്ട കൃത്യമായ കണക്കുകള്‍ പുറത്തുവിട്ടിട്ടില്ലെന്ന് ആരോപിച്ച് ബി ജെ പി നേതാവ് സുബ്രഹ്മണ്യന്‍ സ്വാമിയാണ് കേസ് ഫയല്‍ ചെയ്തത്.
നാഷണല്‍ ഹെറാള്‍ഡ് പത്രത്തെ ഉടമസ്ഥരായ അസോ. ജേര്‍ണല്‍സ് ലിമിറ്റഡില്‍ നിന്ന് രാഹുലിന്റെയും സോണിയയുടെയും ഉടമസ്ഥതയിലുള്ള യംഗ് ഇന്ത്യന്‍ പ്രൈവറ്റ് ലിമിറ്റഡ് ഏറ്റെടുത്തിരുന്നു. ഇതിനു പിന്നില്‍ വന്‍ സാമ്പത്തിക ക്രമക്കേടുകളുണ്ടെന്നാണ് ഹരജിയില്‍ ആരോപിച്ചിട്ടുള്ളത്.
Latest
ട്രാഫിക് പിഴയിൽ ഇളവ് പ്രഖ്യാപിച്ച് ഷാർജ
തുല്യനീതിക്കായാണ് കീം പ്രോസ്പ്രക്ടസില്‍ മാറ്റം വരുത്തിയത്; കോടതി വിധിയില്‍ ക്യാബിനറ്റുമായി കൂടിയാലോചിച്ച് നടപടിയെന്ന് മന്ത്രി ആര്‍ ബിന്ദു
ആമസോൺ തടത്തിലെ പാരിസ്ഥിതിക കുറ്റകൃത്യം: 94 പേരെ യു എ ഇ അറസ്റ്റ് ചെയ്തു
ലോഡുമായി പോകുന്നതിനിടെ ലോറിയുടെ ബ്രേക്ക് നഷ്ടപ്പെട്ടു; രക്ഷപ്പെടാന്‍ പുറത്തേക്ക് ചാടിയ ഡ്രൈവര്‍ അതേ ലോറി കയറി മരിച്ചു
ജപ്തി ഭീഷണിയെ തുടര്‍ന്ന് ഗൃഹനാഥന്‍ ജീവനൊടുക്കിയ സംഭവം; 15 ദിവസം സാവകാശം ചോദിച്ചിട്ടും ബേങ്ക് നല്‍കിയില്ലെന്ന് മധുവിന്റെ സഹോദരന്‍
കീം പരീക്ഷ ഫലം ഹൈക്കോടതി റദ്ദാക്കി
