Kerala
എല്‍ ഡി എഫ് പ്രവേശം ഉടനുണ്ടാകും: ഐ എന്‍ എല്‍
കൊച്ചി: ഐ എന്‍ എല്ലിന്റെ എല്‍ ഡി എഫ് പ്രവേശം ഉടന്‍ ഉണ്ടാകുമെന്ന വിശ്വാസമാണ് പാര്‍ട്ടിക്കെന്ന് ഐ എന്‍ എല്‍ സംസ്ഥാന ജനറല്‍ സെക്രട്ടറി കാസിം ഇരിക്കൂര്‍. എറണാകുളം പ്രസ് ക്ലബ്ബില്‍ നടത്തിയ വാര്‍ത്താ സമ്മേളനത്തിനിടെ മാധ്യമ പ്രവര്‍ത്തകരുടെ ചോദ്യങ്ങള്‍ക്ക് മറുപടി പറയുകയായിരുന്നു അദ്ദേഹം.
എല്‍ ഡി എഫ് വിപുലീകരിക്കുമ്പോള്‍ ആദ്യ പരിഗണന കിട്ടേണ്ട പാര്‍ട്ടിയാണ് ഐ എന്‍ എല്‍. മുന്നണിയില്‍ ഔദ്യോഗിമായി ഇല്ലെങ്കിലും കഴിഞ്ഞ 25 വര്‍ഷത്തിലധികമായി ഐ എന്‍ എല്‍ എല്‍ ഡി എഫിനൊപ്പമാണ് നില്‍ക്കുന്നത്. അതുകൊണ്ടുതന്നെ മുന്നണി പ്രവേശം ഔപചാരികത മാത്രമാണ്. അത് എറ്റവും അടുത്തുതന്നെ ഉണ്ടാകുമെന്നും അദ്ദേഹം പ്രത്യാശ പ്രകടിപ്പിച്ചു.
വര്‍ഗീയതക്കും തീവ്രവാദത്തിനുമെതിരെ ഒരു മാസം നീണ്ടുനില്‍ക്കുന്ന ക്യാമ്പയിന്‍ സംഘടിപ്പിക്കും. അടുത്ത മാസം ഒന്ന് മുതല്‍ 31 വരെയാണ് ക്യാമ്പയിന്‍. നാളെ എറണാകുളത്ത് ക്യാമ്പയിന്‍ ഉദ്ഘാടനം ചെയ്യും. വൈകുന്നേരം നാലിന് ഹൈക്കോടതി ജംഗ്ഷനില്‍ ചേരുന്ന പൊതുയോഗം എല്‍ ഡി എഫ് കണ്‍വീനര്‍ എ വിജയ രാഘവന്‍ ഉദ്ഘാടനം ചെയ്യും. സി പി ഐ ദേശീയ നിര്‍വാഹക സമിതിയംഗം പന്ന്യന്‍ രവീന്ദ്രന്‍, ഡോ. സെബാസ്റ്റ്യന്‍ പോള്‍, സി എന്‍ മോഹനന്‍ തുടങ്ങിയവര്‍ പ്രസംഗിക്കും.
Latest
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
