National
ശ്രീദേവിയുടെത് ബാത് ടബ്ബിൽ മുങ്ങി മരണം തന്നെ: പോലീസ് അന്വേഷണം അവസാനിപ്പിച്ചു
ദുബൈ: നടി ശ്രീദേവിയുടെ മരണം സംബന്ധിച്ച കേസ് അന്വേഷണം അവസാനിപ്പിച്ചതായി ദുബൈ മീഡിയ ഓഫീസ് അറിയിച്ചു. ശ്രീദേവി ഹോട്ടൽ മുറിയിലെ ബാത് ടബ്ബിൽ മുങ്ങി മരിച്ചതാണെന്ന അന്വേഷണ ഫലം പബ്ലിക് പ്രൊസിക്യൂഷൻ അംഗീകരിച്ചിട്ടുണ്ട്. സമഗ്രമായ അന്വേഷണമാണ് നടന്നത്. അബദ്ധത്തിലാണ് ശ്രീദേവി ബാത് ടബ്ബിൽ മുങ്ങിപ്പോയത്- ദുബൈ മീഡിയ ഓഫീസ് ട്വീറ്റ് ചെയ്തു. അവരുടെ ശരീരത്തിൽ മദ്യത്തിന്റെ അംശം ഉണ്ടായിരുന്നുവെന്ന് കഴിഞ്ഞ ദിവസം തന്നെ സ്ഥിരീകരിച്ചിരുന്നു. ശനി രാത്രി എട്ടോടെയായിരുന്നു മരണം.
കുളിമുറിയിൽ കയറിയ ശ്രീദേവി ഏറെ നേരം കഴിഞ്ഞും മടങ്ങാതിരുന്നത് കണ്ട് ഭർത്താവ് ബോണി കപൂർ വാതിൽ തള്ളിത്തുറക്കുകയായിരുന്നു. ശ്രീദേവി ബാത് ടബ്ബിൽ അനക്കമറ്റ നിലയിലായിരുന്നു. ആദ്യം റാശിദ് ആശുപത്രിയിലാണ് എത്തിച്ചത്. മരിച്ചുവെന്ന് വിധിയെഴുതപ്പെട്ടതിനു ശേഷം പോലീസ് മോർച്ചറിയിലേക്ക് മാറ്റി. മൃതദേഹം മുംബൈയിലേക്ക് എത്തിക്കാനുള്ള ഒരുക്കത്തിലാണ് ബന്ധുക്കൾ. ഭർത്താവ് ബോണി കപൂർ, ആദ്യ ഭാര്യയിലെ മകൻ അർജുൻ കപൂർ എന്നിവർ അനുഗമിക്കും.
മൃതദേഹം നേരത്തെ പബ്ലിക് പ്രൊസിക്യൂട്ടറുടെ ക്ലിയറൻസ് ലെറ്റർ ബർ ദുബൈ പോലീസ് സ്റ്റേഷനിൽ ലഭിച്ചതോടെ മൃതദേഹം വിട്ടുനൽകാൻ പ്രോസിക്യൂഷൻ അനുമതി നൽകിയിരുന്നു. പബ്ലിക് പ്രോസിക്യൂഷൻ അനുമതി നൽകിയതോടെ മൃതദേഹം വിട്ടു കൊടുക്കുന്നതിനും എംബാം ചെയ്യുന്നതിനും നാട്ടിലേക്കു കൊണ്ടു പോകുന്നതിനുമുള്ള രേഖകൾ ദുബൈ പോലീസ് ഉടൻ കൈമാറി.
അതിനിടെ, ശ്രീദേവിയുടെ തലയിൽ ആഴത്തിലുള്ള മുറിവുണ്ടെന്നും പ്രൊസിക്യൂഷൻ പരിശോധിക്കുകയാണെന്നും സ്ഥിരീകരിക്കാത്ത റിപ്പോർട്ടുകളുണ്ടായിരുന്നു.
Latest
Kerala
പോലീസ് സ്റ്റേഷനിലെ തൊണ്ടിമുതല് മോഷണം; മോഷ്ടിച്ച പാന്മസാല ചാക്കുകള് കണ്ടെത്തി, സബിത്ത് കുറ്റസമ്മതം നടത്തിയെന്ന് പോലീസ്
National
അയോധ്യ രാമക്ഷേത്ര സംഭാവനക്കൊള്ള; ചമ്പത് റായ്, ട്രസ്റ്റ് മുന് അംഗം അനില് കുമാര് മിശ്ര എന്നിവരെ സാക്ഷികളാക്കി കുറ്റപത്രം
Kerala
എം ഡി എം എ കേസ് പ്രതിയായ യുവതിയെ പോലീസ് സ്റ്റേഷനു മുന്നില് പങ്കാളി കുത്തിപ്പരിക്കേല്പ്പിച്ചു
Business
TODAY'S GOLD RATE|സംസ്ഥാനത്ത് സ്വര്ണ വിലയില് നേരിയ ഇടിവ്; പവന് 120 രൂപ കുറഞ്ഞു
Kerala
സി എം ആര് എല്-എക്സാലോജിക് കേസ് : ഇ ഡിയുടെ കത്തിന്റെ അടിസ്ഥാനത്തില് എഫ് ഐ ആര് രജിസ്റ്റര് ചെയ്യാന് വിജിലന്സിന് ബാധ്യതയില്ലേ എന്ന് ഹൈക്കോടതി
Kerala
സാഹിത്യ അക്കാദമി ചെയര്മാനായി കല്പ്പറ്റ, സംഗീത നാടക അക്കാദമി ചെയര്മാനായി ജി വേണുഗോപാല്
Kerala