Gulf
മാലിദ്വീപ് യാത്രക്കാര്ക്ക് ജാഗ്രതാ നിര്ദേശവുമായി വിദേശകാര്യ മന്ത്രാലയം
ദുബൈ: മാലിദ്വീപിലേക്കുള്ള യാത്രക്കാര്ക്ക് മുന്നറിയിപ്പുമായി യു എ ഇ വിദേശകാര്യ അന്താരാഷ്ട്ര സഹകരണ മന്ത്രാലയം. മാലിദ്വീപില് നിലവിലുള്ള രാഷ്ട്രീയ സാഹചര്യം മുന് നിര്ത്തിയാണ് യാത്രയില് പ്രത്യേക മുന്കരുതലുകള് വേണമെന്ന് മന്ത്രാലയം സാമൂഹിക മാധ്യമങ്ങളിലൂടെ മുന്നറിയിപ്പുമായി രംഗത്തു വന്നത്. യാത്രക്കാര്ക്ക് മന്ത്രാലത്തിന്റെ 24 മണിക്കൂറും പ്രവൃത്തിക്കുന്ന സേവന നമ്പറായ 800 44444 എന്നതില് വിളിച്ചു അത്യാഹിത ഘട്ടങ്ങളില് സഹായം ആവശ്യപ്പെടാം.
സ്വദേശി യാത്രക്കാര്ക്ക് മന്ത്രാലയത്തിന്റെ വെബ്സൈറ്റില് ഒരുക്കിയിട്ടുള്ള തവാജുദി സംവിധാനത്തില് യാത്രാ വിവരങ്ങളും സ്ഥലത്തിന്റെ വിശദാംശങ്ങളും നല്കാവുന്നതാണ്. അടിയന്തിര ഘട്ടങ്ങളില് ഗവണ്മെന്റ് സംവിധാനങ്ങള്ക്ക് യാത്രക്കാര്ക്കായി സഹായമെത്തിക്കുന്നതിന് ഇത് സഹായിക്കും. ജയിലിലായിരുന്ന പ്രതിപക്ഷ നേതാക്കളെ വിട്ടയക്കണമെന്ന സുപ്രീം കോടതി ഉത്തരവിനെ തുടര്ന്നാണ് മാലിദ്വീപില് സംഘര്ഷം ഉടലെടുത്തത്. സുപ്രീം കോടതി ഉത്തരവിനെ തള്ളിയ നിലവിലെ ഭരണകൂടം അടിയന്തിരാവസ്ഥ പ്രഖ്യാപിച്ച് രണ്ട് സുപ്രീം കോര്ട് ജഡ്ജിമാരെയും നിരവധി രാഷ്ട്രീയ നേതാക്കളെയും അറസ്റ്റ് ചെയ്യുകയായിരുന്നു.
സംഘര്ഷത്തെ തുടര്ന്ന് അമേരിക്ക, ഇന്ത്യ, ചൈന തുടങ്ങിയ രാജ്യങ്ങള് യാത്രക്കാരോട് ജാഗ്രതാ നിര്ദേശം പാലിക്കാന് മുന്നറിയിപ്പ് നല്കി.
Latest
ചൂടിന് തെല്ലാരാശ്വാസമായേക്കും; സംസ്ഥാനത്ത് ഇന്ന് ഒറ്റപ്പെട്ടയിടങ്ങളില് മഴക്ക് സാധ്യത
വോട്ടര് പട്ടികയിലെ പേരില് അവ്യക്തതയെന്ന്; സി പി ഐ നേതാവ് ആനി രാജക്ക് തിരഞ്ഞെടുപ്പ് കമ്മീഷന് നോട്ടീസ്
മെസിയുടെ പേരില് തട്ടിപ്പ്: കൊച്ചി, വയനാട് ഉള്പ്പെടെ അഞ്ചിങ്ങളില് എസ് ഐ ടി റെയ്ഡ്
പശ്ചിമേഷ്യന് സംഘര്ഷം അവസാനിപ്പിക്കല്; ഇറാന് വിദേശകാര്യ മന്ത്രി ചൈനയിലേക്ക് തിരിച്ചു
അണികളുടെ "തിരുത്ത്', ഒടുവിൽ പി ജെ സെക്രട്ടേറിയറ്റിൽ
നിർണായകമായി പി ബി ഇടപെടൽ; യുവനിര പാര്ട്ടി നേതൃനിരയിലേക്ക്
