International
അഫ്ഗാനിസ്ഥാനില്‍ താലിബാന്‍ ആക്രമണം; മരണം 130 ആയി
മസാരി ശരീഫ് (അഫ്ഗാനിസ്ഥാന്‍: വടക്കന്‍ അഫ്ഗാനിസ്ഥാനിലെ സൈനിക താവളത്തില്‍ താലിബാന്‍ നടത്തിയ ആക്രമണത്തില്‍ കൊല്ലപ്പെട്ടവരുടെ എണ്ണം 130 കവിഞ്ഞു. കൊല്ലപ്പെട്ടവരില്‍ ഏറെയും അഫ്ഗാന്‍ സൈനികരാണ്. നിരവധി സൈനികര്‍ക്ക് പരുക്കേറ്റു. മസാരി ശരീഫ് നഗരത്തിലെ സൈനിക താവളത്തിന് സമീപമുള്ള പള്ളിയിലാണ് ആക്രമണമുണ്ടായത്. സൈനിക വേഷത്തില്‍ ചെക്ക്‌പോസ്റ്റ് കടന്ന താലിബാന്‍ ഭീകരര്‍
ആക്രമണം നടത്തുകയായിരുന്നു. ആക്രമണത്തെ തുടര്‍ന്ന് മണിക്കൂറുകള്‍ നീണ്ട ഏറ്റുമുട്ടലുണ്ടായി. ഏറ്റുമുട്ടലില്‍ പത്ത് താലിബാന്‍ ഭീകരര്‍ കൊല്ലപ്പെട്ടു. സൈനികര്‍ വെള്ളിയാഴ്ച പ്രാര്‍ഥനക്കും ഭക്ഷണത്തിനും പോയ സമയത്തായിരുന്നു ആക്രമണം.
ഭീകരരെ അഫ്ഗാന്‍ കമാന്‍ഡോകള്‍ നേരിട്ടുവെന്നും അന്‍പതിലേറെ സൈനികര്‍ മരിച്ചതായും നാറ്റോ സേനയിലെ യു എസ് ജനറല്‍ ജോണ്‍ നിക്കോള്‍സന്‍ പറഞ്ഞു. 8,400ഓളം യു എസ് സൈനികര്‍ അഫ്ഗാനിസ്ഥാനില്‍ നിലവിലുണ്ട്. ഇത് കൂടാതെ നാറ്റോ സേനയിലെ 5000 സൈനികര്‍ അഫ്ഗാന്‍ സേനയെ സഹായിക്കാനുണ്ട്. താലിബാന്‍, ഐ എസ് ഭീകരര്‍ക്കെതിരെയാണ് നാറ്റോ സേന പ്രവര്‍ത്തിക്കുന്നത്. ആക്രമണത്തെ പ്രധാനമന്ത്രി നരന്ദ്ര മോദി അപലപിച്ചു.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
