Kasargod
റിയാസ് മൗലവി വധം: ഗൂഢാലോചന പുറത്ത് കൊണ്ടുവരണം -എസ് വൈ എസ്
കാസര്‍കോട്: റിയാസ് മൗലവി വധത്തിലെ പ്രതികളെ വളരെ വേഗത്തില്‍ അറസ്റ്റ് ചെയ്യാനായെങ്കിലും സംഭവത്തിനു പിന്നിലെ ഗൂഢാലോചന പുറത്ത് കൊണ്ടുവരാനാവാത്തത് ആശങ്കയുണര്‍ത്തുന്നുവെന്നും പ്രതികള്‍ക്ക് പരമാവധി ശിക്ഷ ഉറപ്പാക്കാന്‍ അന്വേഷണം കൂടുതല്‍ ശക്തമമാക്കണമെന്നും കാസര്‍കോട് സുന്നി സെന്ററില്‍ സമാപിച്ച ജില്ലാ എസ് വൈ എസ് വാര്‍ഷിക കൗണില്‍ ക്യാമ്പ് ആവശ്യപ്പെട്ടു.
കാസര്‍കോട്ടും പരിസരങ്ങളിലും മുമ്പ് നടന്ന പല വര്‍ഗീയ കൊലപാതകങ്ങളിലും അന്വഷണത്തിലെ പിഴവ്മൂലം പ്രതികള്‍ രക്ഷപ്പെടുന്ന സാഹചര്യമുണ്ടായിട്ടുണ്ട്. കൊലയും അക്രമണം വര്‍ധിക്കാന്‍ പ്രധാന കാരണമിതാണ്. നാട്ടില്‍ കലാപത്തിനു കോപ്പ്കൂട്ടി ആയുധങ്ങള്‍ ശേഖരിച്ചു വെക്കുകയും മതസ്ഥാപനത്തില്‍ ആസൂത്രിതമായി കടന്നുകയറി മദ്‌റസാധ്യാപകനെ അതിക്രൂരമായി കൊലപ്പെടുത്തുകയുംചെയ്തത് സാധാരണ കൊലപാതകമായി കണക്കാക്കരുത്. ഇത്തരം ഭീകര പ്രവര്‍ത്തനങ്ങള്‍ക്ക് ശക്തമായ നിയമ വകുപ്പകള്‍ ചുമത്താന്‍ സര്‍ക്കാര്‍ തയ്യാറാകണം -ജില്ലാ എസ് വൈ എസ് ആവശ്യപ്പെട്ടു.
ജില്ലാ പ്രസിഡന്റ് സയ്യിദ് പി എസ് ആറ്റക്കോയ തങ്ങളുടെ അധ്യക്ഷതയില്‍ സംസ്ഥാന ജനറല്‍സെക്രട്ടറി മജീദ് കക്കാട് ഉദ്ഘാടനം ചെയ്തു. സംസ്ഥാന ഉപാധ്യക്ഷന്‍ പള്ളങ്കോട് അബ്ദുല്‍ ഖാദിര്‍ മദനി, സംസ്ഥാന സെക്രട്ടറി റഹ്മത്തുല്ലാഹ് സഖാഫി എളമരം, അബ്ദുല്ലത്തീഫ് സഅദി പഴശ്ശി വിഷയാവതരണം നടത്തി.
ക്യാമ്പ് ഭാഗമായി നടന്ന ആശയ സംവാദം സെഷന്‍ ഐ.എസി എഫ് യു എ ഇ ഒര്‍ഗനൈസിംഗ് സെക്രട്ടറി ഹമീദ് പരപ്പ ഉദ്ഘാടനം ചെയ്തു. ബി എസ് അബ്ദുല്ലക്കുഞ്ഞി ഫൈസി, പാത്തൂര്‍ മുഹമ്മദ് സഖാഫി, കാട്ടിപ്പാറ അബ്ദുല്‍ ഖാദിര്‍ സഖാഫി, അബ്ദുല്‍ ഖാദിര്‍ സഖാഫി മൊഗ്രാല്‍, കന്തല്‍ സൂപ്പി മദനി, ബശീര്‍ പുളിക്കൂര്‍, നൗഷാദ് മാസ്റ്റര്‍, ഇ കെ അബൂബക്കര്‍ തുടങ്ങിയവര്‍ പ്രസംഗിച്ചു.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
