Wayanad
സ്‌കൂള്‍ ലീഡര്‍ തിരഞ്ഞെടുപ്പ് : 'കുട്ടി വോട്ടര്‍മാര്‍'ക്ക് നവ്യാനുഭവമായി
പേരാല്‍: ഗവ എല്‍.പി സ്‌കൂളില്‍ 2015-16 അധ്യയന വര്‍ഷത്തിലെ ലീഡര്‍ തെരഞ്ഞെടുപ്പ് ജനാധിപത്യ രീതിയില്‍ നടത്തി. കുട്ടികളില്‍ നിന്ന് നാമനിര്‍ദ്ദേശ പത്രിക സ്വീകരിക്കുകയും സ്ഥാനാര്‍ഥികള്‍ ക്ലാസ്സുകള്‍ തോറും കയറി വോട്ടഭ്യര്‍ത്ഥന നടത്തുകയും വാഗ്ദാനങ്ങള്‍ നല്‍കുകയും ചെയ്തു.
രഹസ്യ ബാലറ്റ് സമ്പ്രദായത്തിലൂടെ “കുട്ടി വോട്ടര്‍മാര്‍” തങ്ങളുടെ സമ്മതിദാനാവകാശം വിനിയോഗിച്ചു. സമ്മതിദായകരുടെ ഇടതു കൈയുടെ ചൂണ്ടു വിരലില്‍ “തിരഞ്ഞെടുപ്പ് ഉദ്യോഗസ്ഥര്‍” മഷിയടയാളം രേഖപ്പെടുത്തിയതിനാല്‍ “കള്ളവോട്ട്” തീര്‍ത്തും തടയാന്‍ കഴിഞ്ഞു.
തിരഞ്ഞെടുപ്പ് പ്രക്രിയ കുട്ടികള്‍ക്ക് നവ്യാനുഭവമായിരുന്നു. തിരഞ്ഞെടുപ്പ് ജനാധിപത്യപരമായി നടത്തിയതിലൂടെ നിലവിലുള്ള ജനാധിപത്യ തിരഞ്ഞെടുപ്പ് രീതികളെക്കുറിച്ച് നേരിട്ട് മനസ്സിലാക്കാന്‍ കുട്ടികള്‍ക്ക് കഴിഞ്ഞു. മുഹമ്മദ് നിഹാല്‍ സ്‌കൂള്‍ ലീഡറായും ഫാത്വിമ അത്തൂഫ ഡെപ്യൂട്ടി ലീഡറായും തിരഞ്ഞെടുക്കപ്പെട്ടു. കെ കെ നൂര്‍ജഹാന്‍, എ പി സജിത്ത്, സി ആസ്യ, എ ജെ മഞ്ജു എന്നിവര്‍ തിരഞ്ഞെടുപ്പ് ഉദ്യോഗസ്ഥരായി സേവനമനുഷ്ടിച്ചു.
Latest
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
ഇ വി എമ്മിന്റെ വിശ്വാസ്യത വോട്ടര്മാര്ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല് ബോംബ് കണ്ടെയ്നര് കണ്ടെത്തി
