International
ഇക്കുറിയും 10 ഇന്ത്യന്‍ വംശജര്‍ അധോ സഭയിലേക്ക്
ലണ്ടന്‍: ബ്രിട്ടനില്‍ വ്യാഴാഴ്ച നടന്ന പൊതു തിരഞ്ഞെടുപ്പില്‍ പൊതുസഭയിലെത്തിയ ഇന്ത്യന്‍ വംശജരുടെ എണ്ണം 10 എന്നതില്‍ മാറ്റമില്ല. കഴിഞ്ഞ തിരഞ്ഞെടുപ്പിലും 10 പേരാണ് പൊതുസഭയിലെത്തിയത്. ഒരാളൊഴികെ മറ്റെല്ലാ സിറ്റിംഗ് എംപിമാരും വീണ്ടും തിരഞ്ഞെടുക്കപ്പെട്ടിട്ടുണ്ട്. വോള്‍വെര്‍ഹാംപ്റ്റണിലെ കണ്‍സര്‍വേറ്റീവ് സ്ഥാനാര്‍ഥി പോള്‍ ഉപ്പാല്‍ ആണ് പരാജയപ്പെട്ടത്. ഇന്ത്യയില്‍നിന്നുള്ള സിഖുകാരുടെ വലിയൊരു സമൂഹമുള്ള മണ്ഡലത്തില്‍ 801 വോട്ടിന്റെ ഭൂരിപക്ഷത്തിന് ലേബര്‍ പാര്‍ട്ടിയുടെ റോബ് മാരിസ് ആണ് ഉപ്പാലിനെ പരാജയപ്പെടുത്തിയത്. അതേസമയം, റിച്‌മോണ്ടിലെ കണ്‍സര്‍വേറ്റീവ് സ്ഥാനാര്‍ഥിയായ റിഷി സുനാക് വിജയിച്ചത് ഉപ്പാലിന്റെ പരാജയത്തിന് പകരംവെപ്പായി. ഇന്‍ഫോസിസിന്റെ സ്ഥാപകരിലൊരാളായ എന്‍ ആര്‍ നാരായണ മൂര്‍ത്തിയുടെ മരുമകനാണ് സുനാക്. കീത്ത് വാസ്, വാസിന്റെ സഹോദരി വലേരി വാസ്, വീരേന്ദ്ര ശര്‍മ, സീമ മല്‍ഹോത്ര, ലിസി നാന്‍ഡി, മുന്‍മന്ത്രിസഭയില്‍ അംഗമായിരുന്ന സജിദ് ജാവിദ്, ജൂനിയര്‍ മന്ത്രിമാരായിരുന്ന പ്രീതി പട്ടേല്‍, ഷൈലേഷ് വര്‍മ എന്നിവരാണ് തിരഞ്ഞെടുക്കപ്പെട്ട മറ്റ് ഇന്ത്യന്‍ വംശജര്‍.
Latest
കോട്ടയം മെഡിക്കല്‍ കോളജില്‍ കെട്ടിടം തകര്‍ന്ന് സ്ത്രീ മരിച്ച സംഭവം; ജില്ലാ കലക്ടറുടെ നേതൃത്വത്തിലുള്ള അന്വേഷണം ഇന്ന് തുടങ്ങും
ബിഗ് ബ്യൂട്ടിഫുള്‍ ബില്‍ ജനപ്രതിനിധി സഭയും പാസാക്കി; ട്രംപ് ഇന്ന് ഒപ്പ് വെക്കും
സഊദിയില്‍ വെടിയേറ്റു മരിച്ച ഐ സി എഫ് പ്രവര്‍ത്തകന്‍ ബഷീറിന്റെ മയ്യിത്ത് നാട്ടിലെത്തിച്ചു
കോട്ടയം മെഡി. കോളജ് അപകടം; രക്ഷാപ്രവര്‍ത്തനം വൈകിപ്പിച്ച മന്ത്രിമാര്‍ രാജിവെക്കണം: പ്രതിപക്ഷം
ഗുണ്ടകളെ പൂട്ടാന്‍ കടുത്ത നടപടിയുമായി പോലീസ്; എച്ച് വെങ്കിടേഷിന് ചുമതല
വാട്‌സ്ആപ്പ് സന്ദേശങ്ങളും കരാറായി പരിഗണിക്കും
