Gulf
റണ്‍വേ: ഗൂഢ നീക്കം ഉപേക്ഷിക്കണം
ഉമ്മുല്‍ ഖുവൈന്‍: റണ്‍വേ ബലപ്പെടുത്തലുമായി ബന്ധപ്പെട്ട് കരിപ്പൂര്‍ അന്തര്‍ദേശീയ വിമാനത്താവളം അടച്ചിടാനും അതു വഴി വിമാനത്താവളത്തെ തകര്‍ക്കുവാനുള്ള ഗൂഢ നീക്കം ഉപേക്ഷിക്കണമെന്ന് ഉമ്മുല്‍ ഖുവൈന്‍ ഇന്ത്യന്‍ അസോസിയേഷന്‍ ആവശ്യപ്പെട്ടു.
റണ്‍വേ ജോലി നടക്കുന്ന ഉച്ച 12 മുതല്‍ രാത്രി എട്ട് വരെ എയര്‍പോര്‍ട്ട് അടച്ചിടുമ്പോള്‍ വലിയ വിമാനങ്ങളിലുപരി ചെറുകിട വിമാന സര്‍വീസിനെയും ഇതു ബാധിക്കും. കരിപ്പൂരിനു പകരം കൊച്ചിയില്‍ ഇറങ്ങുന്നത് കൊണ്ട് മലബാറുകാര്‍ക്ക് വളരെ പ്രയാസം അനുഭവപ്പെടും. ടിക്കറ്റ് ക്ഷാമവും നിരക്ക് വര്‍ധനയും അതിലേറെ ദുരിതം സൃഷ്ടിക്കും. ഈ സ്ഥിതിവിശേഷം ഇല്ലാതാക്കാന്‍ നിയന്ത്രണങ്ങള്‍ സീസണ്‍ അല്ലാത്ത സമയത്തേക്ക് മാറ്റുകയോ കരിപ്പൂരില്‍ തന്നെ അത്യാവശ്യ ബദല്‍ സംവിധാനങ്ങള്‍ ഏര്‍പ്പെടുത്തുകയോ വേണം.
എയര്‍പോര്‍ട്ട് വികസനത്തിന്റെ ഭാഗമായി നടക്കുന്ന റണ്‍വേ റീകാര്‍പ്പെറ്റിംഗ് ആവശ്യമാണെങ്കില്‍ ഈ സീസണില്‍ ഇത്തരം പ്രവര്‍ത്തനങ്ങള്‍ ഒഴിവാക്കുന്നതാണ് അഭികാമ്യം. ബദല്‍ സംവിധാനങ്ങളില്ലാതെയുള്ള വികസന പ്രവര്‍ത്തനങ്ങള്‍ യാത്രക്കാര്‍ക്ക് ബുദ്ധിമുട്ടുകള്‍ സൃഷ്ടിക്കുമെന്നതിനാല്‍ ഇത്തരം നടപടികള്‍ ഒഴിവാക്കണമെന്ന് ഇന്ത്യന്‍ അസോസിയേഷന്‍ ഭരണ സമിതി ബന്ധപ്പെട്ട അധികാരികളോട് ആവശ്യപ്പെടുന്നതോടൊപ്പം ഇതിലുള്ള പ്രതിഷേധം രേഖപ്പെടുത്തുകയും ചെയ്യുന്നുവെന്നും അറിയിച്ചു.
Latest
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
മോദി പരിഭ്രാന്തിയില്‍, താമസിയാതെ വേദിയില്‍ പൊട്ടിക്കരഞ്ഞേക്കും: രാഹുല്‍
കോഴിക്കോട് കക്കാടംപൊയിലില്‍ വോട്ട് ചെയ്യാന്‍ പോയ കുടുംബം സഞ്ചരിച്ച കാര്‍ കത്തി നശിച്ചു
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
