Gulf
'നന്മ' അറബിയില്‍ പ്രസിദ്ധീകരിച്ചു
അബുദാബി: യു എ ഇ ദേശീയ ദിനാഘോഷ വേളയില്‍ രാജ്യത്തിന് പ്രണാമമര്‍പ്പിച്ച് മലയാളി എഴുതിയ കവിത അബുദാബി പോലീസിന്റെ മാസികയായ “999”ല്‍ ഇടം നേടി.
അബുദാബിയിലെ സാംസ്‌കാരിക-സാമൂഹിക പ്രവര്‍ത്തകനായ പയ്യന്നൂര്‍ സ്വദേശി വി ടി വി ദാമോദരന്‍ 2011ലെ ദേശീയ ദിനാഘോഷ വേളയില്‍ “സിറാജ്” ദിനപത്രത്തിലെഴുതിയ നന്മ എന്ന കവിതയാണ് അറബിയിലേക്ക് ഭാഷാന്തരപ്പെടുത്തി 999ന്റെ ഡിസംബര്‍ ലക്കം ദേശീയ ദിനാഘോഷ പതിപ്പില്‍ പ്രസിദ്ധീകരിച്ചിട്ടുള്ളത്.
മരുഭൂമിയായിരുന്ന ഒരു പ്രദേശത്തെ മലര്‍വാടിയാക്കിമാറ്റിയ മഹാരഥന്മാര്‍ക്ക് അഭിവാദ്യങ്ങളര്‍പ്പിച്ച് കൊണ്ട് എഴുതിയ പൊന്‍തൂവല്‍ എന്ന കവിതയാണ് “ഇമാറാത്തില്‍ അര്‍ളില്‍ ഖൈര്‍” എന്ന പേരില്‍ പ്രസിദ്ധീകരിച്ചിട്ടുള്ളത്.
നന്മ എന്ന കവിത പുറത്തിറങ്ങിയതിന് ശേഷം യു എ ഇയിലെ മലയാളികളുടെ നിയന്ത്രണത്തില്‍ സംഘടിപ്പിക്കുന്ന ദേശീയ ദിനാഘോഷ പരിപാടികളിലെല്ലാം കവിത നിറസാന്നിധ്യമാണ്. അറബി കവിത വായിച്ച് നിരവധി സ്വദേശികളും വിദേശികളും പ്രശംസിച്ചതായി വി ടി വി ദാമോദരന്‍ പറഞ്ഞു. സുഹൃത്തിന്റെ സഹായത്തോടെയാണ് കവിത അറബിയിലേക്ക് മൊഴിമാറ്റിയത്. സ്‌കൂള്‍ വിദ്യാര്‍ഥിനി രേവതി രാജന്‍ ഈണമിട്ട് “നന്മ” വിവിധ വേദികളില്‍ ആലപിക്കുന്നുണ്ട്.
സ്വന്തം നാടിനേയും നാട്ടുകാരേയും സ്‌നേഹിക്കന്നത് പോലെ വിദേശികളെ സ്‌നേഹിക്കുകയും അവരെ സ്വീകരിച്ച് നമ്മുടെ രാജ്യത്തിന്റെ ഭാഗമാക്കുകയും ചെയ്ത യു എ ഇ ഭരണാധികാരികള്‍ക്കുള്ള ആദരവാണ് വി ടി വിയുടെ വരികളിലുള്ളത്.
Latest
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
