International
ശരീഫിന് ഖാദിരിയുടെ അന്ത്യശാസനം
ഇസ്‌ലാമാബാദ്: പാക്കിസ്ഥാന്‍ പ്രധാനമന്ത്രി നവാസ് ശരീഫിന് സ്ഥാനമൊഴിയാന്‍ 24 മണിക്കൂര്‍ സമയം നല്‍കി പാക്കിസ്ഥാന്‍ അവാമി തഹ്‌രീക് (പി എ ടി) നേതാവ് ത്വാഹിറുല്‍ ഖാദിരി. കഴിഞ്ഞ ദിവസം രാത്രി പ്രക്ഷോഭ രംഗത്തുള്ള പാക്കിസ്ഥാന്‍ തഹ്‌രീകെ ഇന്‍സാഫ് (പി ടി ഐ) വൈസ് ചെയര്‍മാന്‍ ഷാ മഹ്മൂദ് ഖുറൈശിയുടെ നേതൃത്വത്തിലുള്ള പ്രതിനിധി സംഘം ഖാദിരിയെ സന്ദര്‍ശിച്ചിരുന്നു. കഴിഞ്ഞ 14ാം തീയതി മുതല്‍ സര്‍ക്കാര്‍വിരുദ്ധ പ്രക്ഷോഭം നടത്തുന്ന ഇരു പാര്‍ട്ടികളുടെയും നേരിട്ടുള്ള ആദ്യ ചര്‍ച്ചയാണ് ഇത്. പ്രക്ഷോഭ പരിപാടികള്‍ നീട്ടിവെക്കുന്നത് സംബന്ധിച്ചായിരുന്നു ചര്‍ച്ച.
യോഗത്തിന് ശേഷം അനുയായികളെ സന്ദര്‍ശിച്ച് പ്രക്ഷോഭ പരിപാടികള്‍ നീട്ടിവെക്കണമെന്ന് അറിയിച്ചെങ്കിലും പ്രക്ഷോഭം അവസാനിപ്പിക്കാന്‍ അനുയായികള്‍ ഒരുക്കമല്ലായിരുന്നു. പി എ ടിക്കും പി ടി ഐക്കും പല വിഷയങ്ങളിലും സമാന നിലപാടുകളുണ്ടെന്നും പ്രക്ഷോഭകരെ ഭിന്നിപ്പിക്കാനാണ് സര്‍ക്കാര്‍ ശ്രമമെന്നും ഖാദിരി പറഞ്ഞു. പ്രതിഷേധ ധര്‍ണ ലാഹോര്‍, കറാച്ചി, ഫൈസലാബാദ്, മുള്‍ത്താന്‍ എന്നിവിടങ്ങളിലേക്ക് കൂടി വ്യാപിപ്പിക്കുമെന്ന് ഇംറാന്‍ ഖാന്‍ പറഞ്ഞു. അടുത്ത പ്രക്ഷോഭ പരിപാടി ഇന്ന് പ്രഖ്യാപിക്കുമെന്നും അദ്ദേഹം അറിയിച്ചു. സര്‍ക്കാര്‍ പ്രതിനിധികളുമായി നടത്തിയ ചര്‍ച്ച പരാജയപ്പെട്ടതിന് ശേഷമാണ് പ്രക്ഷോഭ നേതാക്കള്‍ ചര്‍ച്ച നടത്തിയത്.
Latest
സംസ്ഥാനത്ത് നീതിയുക്തമായ തിരഞ്ഞെടുപ്പ് നടന്നില്ല: വി ഡി സതീശന്‍
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
