International
ബ്രിട്ടനില്‍ വന്‍ മന്ത്രിസഭാ പുനഃസംഘടന
ഫിലിപ് ഹാമന്റ്
ലണ്ടന്‍: ബ്രിട്ടന്റെ നിലവിലെ വിദേശകാര്യ സെക്രട്ടറിയും പ്രധാനമന്ത്രി ഡേവിഡ് കാമറൂണിന്റെ മന്ത്രിസഭയില്‍ രണ്ടാമനുമായ വില്യം ഹേഗ് സ്ഥാനമൊഴിയുന്നു. പുതിയ വിദേശകാര്യ സെക്രട്ടറിയായി നിലവിലെ പ്രതിരോധ മന്ത്രി ഫിലിപ് ഹാമന്റ് സ്ഥാനമേല്‍ക്കും. കാമറൂണിന്റെ മന്ത്രിസഭാ പുനര്‍വിന്യാസത്തിന്റെ ഭാഗമായാണ് മാറ്റം. മന്ത്രിസഭാ പുനഃസംഘടനയുടെ ഭാഗമായി പത്തിലധികം മന്ത്രിമാര്‍ പുറത്താകുകയോ മറ്റ് സ്ഥാനങ്ങള്‍ ഏറ്റെടുക്കേണ്ടിവരികയോ ചെയ്തിട്ടുണ്ട്. പുറത്തായവരില്‍ ആറ് കാബിനറ്റ് മന്ത്രിമാരും ഉള്‍പ്പെടും.
ഹേഗിന്റെ പുറത്താകല്‍ വെസ്റ്റ്മിന്‍സ്റ്റര്‍ക്കാര്‍ക്ക് തിരിച്ചടിയായിരിക്കുകയാണ്. ആന്‍ഡ്രു ലാന്‍സ്‌ലിയെ മാറ്റി ഹൗസ് ഓഫ് കോമണ്‍സിന്റെ നേതാവായി ഹേഗിനെ നിയമിക്കും. മന്ത്രിസഭ പുതുക്കേണ്ടതിന്റെ ആവശ്യമുള്ളതിനാല്‍ എത്രയും വേഗം സ്ഥാനമൊഴിയുമെന്ന് ഹേഗ് വ്യക്തമാക്കി. കാബിനറ്റില്‍ യുവ മന്ത്രിമാരെ കൊണ്ടുവരികയും മന്ത്രിസഭയിലെ വനിതാ പ്രാതിനിധ്യം വര്‍ധിപ്പിക്കുകയുമാണ് കാമറൂണിന്റെ പദ്ധതി. മന്ത്രിസഭയില്‍ വനിതാ മന്ത്രിമാര്‍ നാല് പേരായി ചുരുങ്ങിയതിന്റെ പേരില്‍ കാമറൂണ്‍ ഏറെ വിമര്‍ശങ്ങള്‍ക്ക് വിധേയനായിരുന്നു.
മന്ത്രിസഭയില്‍ മൂന്നിലൊന്ന് വനിതകളായിരിക്കുമെന്ന തിരഞ്ഞെടുപ്പ് വാഗ്ദാനം പാലിക്കാന്‍ ഇതുവരെ അദ്ദേഹത്തിനായിട്ടില്ല. പുനഃസംഘടനയുടെ ഭാഗമായി പത്തിലധികം വനിതാ മന്ത്രിമാര്‍ ഉണ്ടാകുമെന്നാണ് പ്രതീക്ഷിക്കുന്നത്. റെയില്‍വേ മന്ത്രി സ്റ്റീഫന്‍ ഹാമന്റ്, സോളിസിറ്റര്‍ ജനറല്‍ ഒലിവര്‍ല ഹീല്‍ഡ്, ഊര്‍ജ വകുപ്പ് മന്ത്രി ഗ്രഗ് ബാര്‍ക്കര്‍ തുടങ്ങിയവരും സ്ഥാനമൊഴിയും.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
