Sports
ബാഴ്‌സ-റയല്‍ ഫൈനല്‍ നാളെ
മാഡ്രിഡ്: സ്പാനിഷ് കിംഗ്‌സ് കപ്പ് ഫൈനലില്‍ നാളെ റയല്‍മാഡ്രിഡും ബാഴ്‌സലോണയും നേര്‍ക്കുനേര്‍. ലാ ലിഗയിലെ എല്‍ ക്ലാസികോയില്‍ ജയിച്ചതാണ് ബാഴ്‌സലോണക്ക് ആത്മവിശ്വാസമേകുന്നത്.
എന്നാല്‍, ചാമ്പ്യന്‍സ് ലീഗില്‍ സെമി കാണാതെ പുറത്തായതും ലാ ലിഗയില്‍ ഗ്രനഡയോട് തോറ്റ് പോയിന്റ് ടേബിളില്‍ മൂന്നാം സ്ഥാനത്തേക്ക് പിന്തള്ളപ്പെട്ടതും ബാഴ്‌സയുടെ വീര്യം ചോദ്യം ചെയ്യുന്നു. റയല്‍മാഡ്രിഡ് ചാമ്പ്യന്‍സ് ലീഗ് സെമിയിലേക്ക് മുന്നേറുകയും ലാ ലിഗ കിരീടപ്പോരില്‍ അത്‌ലറ്റിക്കോ മാഡ്രിഡിനൊപ്പം സജീവമായി തുടരുകയും ചെയ്യുന്നു. എന്നാല്‍, ക്രിസ്റ്റ്യാനോ റൊണാള്‍ഡോയുടെ പരുക്ക് റയലിന് തിരിച്ചടിയാണ്. ഫൈനലില്‍ സൂപ്പര്‍ താരം കളിച്ചേക്കില്ലെന്നാണ് റിപ്പോര്‍ട്ട്. സീസണില്‍ വിവിധ ചാമ്പ്യന്‍ഷിപ്പുകളില്‍ നിന്നായി 45 ഗോളുകള്‍ നേടിയ ക്രിസ്റ്റ്യാനോയുടെ അഭാവം ബാഴ്‌സക്ക് ആശ്വാസമാകും.
മെസി, നെയ്മര്‍, ഫാബ്രിഗസ്, ഷാവി, ഇനിയെസ്റ്റ എന്നിവരെല്ലാം ഒരുമിച്ചിറങ്ങിയിട്ടും ബാഴ്‌സക്ക് രക്ഷയില്ലാത്ത അവസ്ഥയാണിപ്പോള്‍. കോച്ച് ജെറാര്‍ഡോ മാര്‍ട്ടിനോയുടെ സ്ഥാനം ഇളകിത്തുടങ്ങി. പോകുന്നതിന് മുമ്പ് ഒരു കിരീടം. അത് മാത്രമാകും മാര്‍ട്ടിനോയുടെ ലക്ഷ്യം.
Latest
മൂന്നാറില് ജനവാസ മേഖലയില് കൂട്ടത്തോടെ പുലിയിറങ്ങി
പോളിങ്ങ് ശതമാനത്തിലെ കുറവ്; സൂക്ഷ്മ വിശകലനത്തിലേക്ക് മുന്നണികള്
വിവാദത്തിനു പിന്നില് കോണ്ഗ്രസ്-ബി ജെ പി തിരക്കഥയെന്ന് ഇ പി ജയരാജന്
ടൂറിസ്റ്റ് ബസ് നിയന്ത്രണം വിട്ട് മറിഞ്ഞു; അപകടത്തില് ഒരാള് മരിച്ചു
സി പി എമ്മിനെ പ്രതിരോധത്തിലാക്കി ഇ പി
സ്ഥാനം ചവറ്റുകൊട്ടയിലാകും
