Ongoing News
കാന്തപുരത്തിന് മുഹിമ്മാത്തിന്റെ ആദരം
പുത്തിഗെ: കര്‍മരംഗത്ത് അമ്പതാണ്ട് പൂര്‍ത്തിയാക്കിയ കാന്തപുരം എ പി അബൂബക്കര്‍ മുസ്‌ലിയാരെ മുഹിമ്മാത്തില്‍ ആദരിച്ചു. പ്രഗത്ഭരായ 50 വീതം സാദാത്തുക്കളും പണ്ഡിതരും ഉമറാക്കളും അണിനിരന്ന വേദിയിലാണ് കാന്തപുരത്തിന് ആദരം സമര്‍പ്പിച്ചത്. ഉള്ളാള്‍ തങ്ങളുടെ അനുസ്മരണത്തിന്റെ ഭാഗമായിരുന്നു ആദരം. തളങ്കര മാലിക് ദീനാര്‍ മഖാമില്‍ സിയാറത്തിനു ശേഷം മുന്നൂറിലേറെ വാഹനങ്ങളുടെ അകമ്പടിയോടെയാണ് കാന്തപുരത്തെ മുഹിമ്മാത്തിലേക്ക് ആനയിച്ചത്. സിയാറത്തിന് ഇസ്മാഈല്‍ ബാഫഖി തങ്ങള്‍ കൊയിലാണ്ടി നേതൃത്വം നല്‍കി.
സയ്യിദ് ത്വാഹിറുല്‍ അഹ്ദല്‍ മഖാം സിയാറത്തിനു ശേഷം അനുസ്മരണ സംഗമവും ആദരിക്കല്‍ ചടങ്ങും ആരംഭിച്ചു. ഹസനുല്‍ അഹ്ദല്‍ തങ്ങളുടെ അധ്യക്ഷതയില്‍ എ കെ അബ്ദുര്‍റഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. എസ് വൈ എസ് സംസ്ഥാന സെക്രട്ടറി പേരോട് അബ്ദുര്‍റഹ്മാന്‍ സഖാഫി അനുസ്മരണ പ്രഭാഷണം നടത്തി. മര്‍കസ് പ്രസിഡന്റ് സയ്യിദ് അലി ബാഫഖി, എസ് വൈ എസ് സംസ്ഥാന ട്രഷറര്‍ സയ്യിദ് ഉമറുല്‍ ഫാറൂഖ് അല്‍ ബുഖാരി, സമസ്ത കേന്ദ്ര മുശാവറ അംഗം എം അലിക്കുഞ്ഞി മുസ്‌ലിയാര്‍ ഷിറിയ, മുഹിമ്മാത്ത് ഉപാധ്യക്ഷന്‍ സയ്യിദ് ഹസന്‍ അഹ്ദല്‍ എന്നിവര്‍ ചേര്‍ന്നാണ് ആദരവ് സമര്‍പ്പിച്ചത്. ഡോ. ഹുസൈന്‍ സഖാഫി ചുള്ളിക്കോട് അനുമോദന പ്രസംഗം നടത്തി.
Latest
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
കാട്ടുപന്നി ആക്രമണം; സ്‌കൂട്ടറില്‍ സഞ്ചരിക്കുകയായിരുന്ന അമ്മയ്ക്കും മകള്‍ക്കും പരുക്ക്
