Kozhikode
സമകാലിക രാഷ്ട്രീയത്തില്‍ യുവാക്കള്‍ക്ക് വലിയ പരിഗണന: കുഞ്ഞാലിക്കുട്ടി
കോഴിക്കോട്: രാഷ്ട്രീയം പുതിയ മാറ്റങ്ങള്‍ക്ക് വിധേയമാകുന്ന ഇക്കാലത്ത് മുസ്‌ലിംലീഗ് യുവാക്കള്‍ക്ക് വലിയ പരിഗണന നല്‍കുമെന്ന് അഖിലേന്ത്യാ ട്രഷററും മന്ത്രിയുമായ പി കെ കുഞ്ഞാലിക്കുട്ടി.
ലോക്‌സഭാ തിരഞ്ഞെടുപ്പിന്റെ രാഷ്ട്രീയം വര്‍ഗീയതക്കും ഫാസിസത്തിനുമെതിരായ പൊരാട്ടമാണ്. ഇതിന് നേതൃപരമായ പങ്കു വഹിക്കാന്‍ യുവജനങ്ങള്‍ക്ക് സാധിക്കണമെന്നും കുഞ്ഞാലിക്കുട്ടി പറഞ്ഞു. “മതേതര ഇന്ത്യക്ക് ഫാസിസത്തോട് പൊരുതുക” എന്ന മുദ്രാവാക്യവുമായി യൂത്ത് ലീഗ് നടത്തുന്ന ക്യാമ്പയിന്റെ ഭാഗമായുള്ള ലീഡേഴ്‌സ് മീറ്റ് ഉദ്ഘാടനം ചെയ്യുകയായിരുന്നു അദ്ദേഹം.
16ാം ലോക്‌സഭയുടെ രാഷ്ട്രീയം ദളിതരുടെയും പിന്നാക്കക്കാരുടെയും അധസ്ഥിതരുടെയും ഉയര്‍ത്തെഴുന്നേല്‍പ്പ് വിഭാവനം ചെയ്യുന്നതാണ്. അക്രമങ്ങളുടെയും കൊലപാതകങ്ങളുടെയും രാഷ്ട്രീയം കാലഹരണപ്പെട്ടു കഴിഞ്ഞു. നിര്‍മാണത്തിന്റെ രാഷ്ട്രീയമാണ് ഇനി വരാനിക്കുന്നതെന്നും കുഞ്ഞാലിക്കുട്ടി കൂട്ടിച്ചേര്‍ത്തു. പി എം സാദിഖലി അധ്യക്ഷത വഹിച്ചു. എം സി മായിന്‍ഹാജി, കെ എം ഷാജി എം എല്‍ എ, ഉമ്മര്‍ പാണ്ടികശാല, സി കെ സുബൈര്‍, സി പി എ അസീസ്, അഡ്വ. എസ്. കബീര്‍ പ്രസംഗിച്ചു.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
