National
മോഡിക്ക് ബംഗളൂരുവില്‍ വന്‍ സുരക്ഷയൊരുക്കും
ബംഗളൂരു: ബി ജെ പി ബംഗളൂരുവില്‍ സംഘടിപ്പിക്കുന്ന തിരഞ്ഞെടുപ്പ് റാലിയുടെ മുന്നോടിയായി ഗുജറാത്ത് സ്‌പെഷ്യല്‍ പോലീസ് ബംഗളൂരുവിലെ പാലസ് ഗ്രൗണ്ട് സന്ദര്‍ശിക്കും. ഈ മാസം 17ന് നടക്കുന്ന റാലിയില്‍ ഗുജറാത്ത് മുഖ്യമന്ത്രിയും ബി ജെ പിയുടെ പ്രധാനമന്ത്രി സ്ഥാനാര്‍ഥിയുമായ മോഡി പങ്കെടുക്കുന്നുണ്ട്. ഗുജറാത്ത് പോലീസും ബംഗളൂരു പോലീസും ചേര്‍ന്ന് സ്ഥലം വിശദമായ പരിശോധനക്ക് വിധേയമാക്കും.
പ്രധാനമന്ത്രിക്കും പ്രസിഡന്റിനും നല്‍കുന്ന തരത്തിലുള്ള സുരക്ഷാ സംവിധാനങ്ങള്‍ സ്ഥലത്ത് ഒരുക്കുമെന്ന് സര്‍ക്കാര്‍ വാഗ്ദാനം ചെയ്തതായി ബി ജെ പി വക്താവ് പറഞ്ഞു. നേരത്തെ ബി ജെ പിയും ബംഗളൂരു സിറ്റി പോലീസും ഇത് സംബന്ധിച്ച ചര്‍ച്ച നടത്തിയിരുന്നു. റാലിയുടെ ചുമതലയുള്ള ആര്‍ അശോക്, എം എല്‍ എ മുനിരാജു, സിറ്റി പ്രസിഡന്റ് സുബ്ബണ്ണ, ബംഗളൂരു പോലീസ് കമ്മീഷ്ണര്‍ രാഘവേന്ദ്ര, അഡീഷനല്‍ പോലീസ് കമ്മീഷണര്‍ ബി ദയാനന്ദ എന്നിവര്‍ ചര്‍ച്ചയില്‍ പങ്കെടുത്തിരുന്നു. പാറ്റ്‌നയില്‍ മോഡി പങ്കെടുത്ത ബി ജെ പിയുടെ തിരഞ്ഞെടുപ്പ് റാലിക്കിടെ ബോംബ് സ്‌ഫോടനങ്ങള്‍ നടന്ന പശ്ചാത്തലത്തിലാണ് സുരക്ഷാ സംവിധാനങ്ങള്‍ ശക്തമാക്കുന്നത്.
Latest
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ല,പറഞ്ഞത് പോസ്റ്റർ പ്രചരിക്കുന്നുവെന്ന്; കെകെ ശൈലജ
