Gulf
നടുറോഡില്‍ ഡ്രൈവറെ തല്ലിയ സ്വദേശിക്ക് ജോലി നഷ്ടമായി
ദുബൈ: നടുറോഡില്‍ ഇന്ത്യക്കാരനായ വാന്‍ ഡ്രൈവറെ മര്‍ദിച്ച കേസില്‍ ദുബൈ പോലീസ് കസ്റ്റഡിയിലെടുത്ത സ്വദേശി ഉദ്യോഗസ്ഥനെ ജോലിയില്‍ നിന്നു മാറ്റിയതായി പ്രമുഖ അറബി പത്രം റിപ്പോര്‍ട്ട് ചെയ്തു.
തന്റെ കാറുമായി ഇന്ത്യന്‍ക്കാരന്‍ ഓടിച്ച വാന്‍ ചെറുതായി ഉരസിയതിന്റെ പേരില്‍ വാന്‍ ഡ്രൈവറെ തന്റെ ഇഖാല്‍ കൊണ്ട് പരസ്യമായി അടിക്കുകയും മര്‍ദിക്കുകയുമായിരുന്നു. ഈ രംഗം പകര്‍ത്തി സോഷ്യല്‍ നെറ്റ്‌വര്‍ക്കുകളില്‍ പോസ്റ്റ് ചെയ്തത് ധാരാളം പേര്‍ കണ്ടിരുന്നു. കേസില്‍ പ്രതിയായ സ്വദേശിയെ മുഖം നോക്കാതെ അറസ്റ്റ് ചെയ്തതിന് ദുബൈ പോലീസിന്റെ പ്രതിബദ്ധതയെ എല്ലാവരും പുകഴ്ത്തി. സര്‍ക്കാറിന്റെ കീഴിലെ ഒരു പ്രധാന വകുപ്പ് തലവനായി ജോലി ചെയ്യുന്ന സ്വദേശിക്ക് ഇക്കാരണം കൊണ്ട് പിരിച്ചുവിടല്‍ നേരിടേണ്ടിവന്നതായാണ് അറബി പത്രം റിപ്പോര്‍ട്ട് ചെയ്തത്.
മര്‍ദനമേറ്റ ഇന്ത്യക്കാരന്റെ പരാതിയും സംഭവം ക്യാമറയില്‍ പകര്‍ത്തി സോഷ്യല്‍ നെറ്റ് വര്‍ക്കുകളില്‍ പോസ്റ്റ് ചെയ്ത ഇന്ത്യക്കാരനെതിരെ സ്വദേശിയുടെ കുടുംബം നല്‍കിയ പരാതിയും പിന്‍വലിച്ചതിനാല്‍ രണ്ടു കേസുകളും ദുബൈ കോടതി കഴിഞ്ഞ ദിവസം ഒഴിവാക്കിയിരുന്നു.
Latest
'പാര്‍ട്ടിക്കകത്ത് അഭിപ്രായ വ്യത്യാസമുണ്ടാകുമെങ്കിലും തിരഞ്ഞെടുപ്പുകളെ ബാധിക്കില്ല'; വിശ്വാസ സംരക്ഷണ സംഗമത്തില്‍ വൈകിയാണെങ്കിലും പങ്കെടുത്ത് കെ മുരളീധരന്‍
സംസ്ഥാനത്ത് അടുത്ത അഞ്ച് ദിവസം ശക്തമായ മഴ; നാല് ജില്ലകളില്‍ ഞായറാഴ്ച ഓറഞ്ച് അലര്‍ട്ട്
സഅദിയ്യയില്‍ താജുല്‍ ഉലമ നൂറുല്‍ ഉലമ ആണ്ട് നേര്‍ച്ച സിയാറത്തും പതാക ഉയര്‍ത്തലും നാളെ
ഒറ്റപ്പാലത്ത് ലോറി കയറിയിറങ്ങി സ്‌കൂട്ടര്‍ യാത്രിക മരിച്ചു
എ ഗ്രേഡ് നേട്ടവുമായി മര്‍കസ് യുനാനി മെഡി. കോളജ്
ഗവേഷണ പ്രബന്ധമവതരിപ്പിച്ച് 10 ലക്ഷത്തിന്റെ സ്‌കോളര്‍ഷിപ്പ് കരസ്ഥമാക്കിയ 13കാരന്‍ ഹേബല്‍ അന്‍വറിനെ ആദരിച്ച് മഅ്ദിന്‍ അക്കാദമി
