Kerala
വടകരയില്‍ നിര്‍മാണത്തിനിടെ കിണറിടിഞ്ഞ് തൊഴിലാളി മരിച്ചു; ഒരാളെ രക്ഷപ്പെടുത്തി
ആറ് തൊഴിലാളികള്‍ ഉണ്ടായിരുന്നെങ്കിലും മണ്ണിടിച്ചിലുണ്ടായപ്പോള്‍ മറ്റുള്ളവര്‍ ഓടി രക്ഷപ്പെട്ടു
കോഴിക്കോട് | കനത്ത മഴയില്‍ വടകര അഴിയൂരില്‍ നിര്‍മാണത്തിലിരുന്ന കിണറിടിഞ്ഞ് തൊഴിലാളിക്ക് ദാരുണാന്ത്യം. മണ്ണിനടിയില്‍പ്പെട്ട മറ്റൊരു തൊഴിലാളിയെ രക്ഷപ്പെടുത്തി. കണ്ണൂര്‍ കരിയാട് പടന്നക്കര മുക്കാളിക്കല്‍ രതീഷാണ് മരിച്ചത്.
ഇന്ന് ഉച്ചക്ക് പന്ത്രണ്ടരയോടെയാണ് അപകടമുണ്ടായത്. മണ്ണിനടിയിലേക്ക് താഴ്ന്നുപോയ മറ്റൊരു തൊഴിലാളി വേണുവിനെയാണ് രക്ഷപ്പെടുത്തിയത്. ആറ് തൊഴിലാളികള്‍ ഉണ്ടായിരുന്നെങ്കിലും മണ്ണിടിച്ചിലുണ്ടായപ്പോള്‍ മറ്റുള്ളവര്‍ ഓടി രക്ഷപ്പെട്ടു. കണ്ണൂരില്‍ നിന്നും മാഹിയില്‍ നിന്നും ഫയര്‍ഫോഴ്സ് ഉള്‍പ്പടെയെത്തിയാണ് രക്ഷാപ്രവര്‍ത്തനം നടത്തിയത്.
കനത്ത മഴയാണ് അപകട കാരണമെന്ന് പൊലീസ് വ്യക്തമാക്കി. മൃതദേഹം വടകര ജില്ലാ ആശുപത്രിയിലേക്ക് മാറ്റി. പോസ്റ്റുമോര്‍ട്ടം നടപടികള്‍ക്ക് ശേഷം മൃതദേഹം വിട്ടുനല്‍കും.
Latest
കോണ്‍ഗ്രസ്സില്‍ അവാര്‍ഡ് മോഷണ വിവാദം; എം എ ജോണ്‍ പുരസ്‌കാരത്തില്‍ അട്ടിമറിയെന്ന് വെളിപ്പെടുത്തല്‍
കങ്കണ റണാവത്തിനോടു സംസാരിക്കാന്‍ ശ്രമിച്ച എന്‍ കെ പ്രേമചന്ദ്രന്‍ എം പിയെ തള്ളിമാറ്റി
ഹൈക്കോടതി ഉത്തരവില്‍ തിരുത്ത്; പെട്രോള്‍ പമ്പുകളിലെ ടോയ്ലറ്റുകള്‍ പൊതുജനങ്ങള്‍ക്കായി തുറന്നുകൊടുക്കണം
ഗൃഹനാഥന്‍ ജീവനൊടുക്കിയതോടെ ഉദ്യോഗസ്ഥ മേധാവിത്വം കണ്ണുതുറന്നു; 12 വര്‍ഷത്തെ ശമ്പള കുടിശ്ശിക ഒടുവില്‍ അധ്യാപികയുടെ അക്കൗണ്ടിലെത്തി
സ്‌കൂള്‍കുട്ടിയെ തട്ടിക്കൊണ്ടുപോകാന്‍ ശ്രമിച്ച പ്രതി പോലീസ് സ്‌റ്റേഷനില്‍ നിന്ന് കൈവിലങ്ങുമായി രക്ഷപ്പെട്ടു
കൂടത്തായി കൂട്ടക്കൊലക്കേസ്: അറസ്റ്റിന് മുന്‍പേ ജോളി കുറ്റസമ്മതം നടത്തിയെന്ന് ജോളിയുടെ സഹോദരന്റെ നിര്‍ണായക മൊഴി
