Attack against Rahuls Office
രാഹുല്‍ ഗാന്ധിയുടെ ഓഫീസ് ആക്രമിച്ചത് മന്ത്രിയുടെ പേഴ്‌സനല്‍ സ്റ്റാഫിന്റെ നേതൃത്വത്തിലെന്ന് വി ഡി സതീശന്‍
മുഖ്യമന്ത്രിയുടെ ഓഫീസിന്റെ അറിവോടെയാണ് അക്രമമെന്നും അദ്ദേഹം ആരോപിച്ചു.
കല്പറ്റ | വയനാട് എം പി രാഹുല്‍ ഗാന്ധിയുടെ ഓഫീസില്‍ കഴിഞ്ഞ ദിവസമുണ്ടായ എസ് എഫ് ഐ ആക്രമണം സംസ്ഥാന മന്ത്രിയുടെ പേഴ്‌സനല്‍ സ്റ്റാഫിന്റെ നേതൃത്വത്തിലാണെന്ന് പ്രതിപക്ഷ നേതാവ് വി ഡി സതീശന്‍ ആരോപിച്ചു. ആരോഗ്യ മന്ത്രിയുടെ പി എയുടെ നേതൃത്വത്തിലാണ് അക്രമമുണ്ടായത്. മുഖ്യമന്ത്രിയുടെ ഓഫീസിന്റെ അറിവോടെയാണ് അക്രമമെന്നും അദ്ദേഹം ആരോപിച്ചു.
സ്വര്‍ണക്കടത്ത് കേസില്‍ കേന്ദ്ര അന്വേഷണ ഏജന്‍സികള്‍ ഡെമോക്ലിസിന്റെ വാള്‍ കണക്കെ മുഖ്യമന്ത്രിയുടെ തലയില്‍ തൂങ്ങിനില്‍ക്കുന്നുണ്ടെന്നും ഇതില്‍ നിന്ന് ശ്രദ്ധതിരിക്കാനും കേന്ദ്രത്തെ തൃപ്തിപ്പെടുത്താനുമാണ് അക്രമമെന്നും അദ്ദേഹം പറഞ്ഞു. ഉന്നതങ്ങളില്‍ വരെ ആസൂത്രണം ചെയ്താണ് അക്രമമുണ്ടാക്കിയത്. കേരളത്തിലെ ആര്‍ എസ് എസ് ചെയ്യാത്തതാണ് എസ് എഫ് ഐ ചെയ്തതെന്നും അദ്ദേഹം പറഞ്ഞു.
ഉത്തരേന്ത്യയിലെ സംഘ്പരിവാരമാണ് ഗാന്ധിജിയുടെ പ്രതിമയും മറ്റും ആക്രമിക്കുന്നത്. ഇത് മാതൃകയാക്കിയാണ് എസ് എഫ് ഐ ഗാന്ധിജിയെ ആക്രമിക്കുന്നത്. കേരളത്തിലെ ആര്‍ എസ് എസ് ഇത് ചെയ്തിട്ടില്ലെന്നും സതീശന്‍ പറഞ്ഞു. രാഹുല്‍ ഗാന്ധിയുടെ ഓഫീസ് സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
Latest
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ല,പറഞ്ഞത് പോസ്റ്റർ പ്രചരിക്കുന്നുവെന്ന്; കെകെ ശൈലജ
