Kerala
പുനഃസംഘടന ആലോചനാ യോഗത്തില്‍ നിന്ന് മുന്‍ ഡി സി സി പ്രസിഡൻ്റുമാര്‍ ഇറങ്ങിപ്പോയി
ഡി സി സി പ്രസിഡൻ്റുമായുള്ള അഭിപ്രായ ഭിന്നതയാണ് കാരണം
പത്തനംതിട്ട | കോണ്‍ഗ്രസ് പുനഃസംഘടനയെ സംബന്ധിച്ച് ആലോചിക്കാന്‍ കെ പി സി സി നിര്‍ദേശ പ്രകാരം ചേര്‍ന്ന പത്തനംതിട്ട ഡി സി സി യോഗത്തില്‍ നിന്ന് മുന്‍ പ്രസിഡൻ്റുമാര്‍ ഇറങ്ങിപ്പോയി. ഡി സി സി മുന്‍ പ്രസിഡൻ്റുമാരായ കെ ശിവദാസന്‍ നായര്‍, പി മോഹന്‍രാജ്, ബാബു ജോര്‍ജ് എന്നിവരാണ് പ്രതിഷേധിച്ച് ഇറങ്ങിപ്പോയത്.
കെ പി സി സി ജനറല്‍ സെക്രട്ടറി എം എം നസീറിൻ്റെ സാന്നിധ്യത്തില്‍ ഡി സി സി ഓഫീസില്‍ ചേര്‍ന്ന യോഗത്തിലായിരുന്നു ഇറങ്ങിപ്പോക്ക്. ഡി സി സി പ്രസിഡൻ്റ് പ്രൊഫ. സതീഷ് കൊച്ചുപറമ്പിൻ്റെ അധ്യക്ഷതയില്‍ ചേര്‍ന്ന യോഗത്തില്‍ അടൂര്‍ പ്രകാശ് എം പി, കെ പി സി സി ജനറല്‍ സെക്രട്ടറി പഴകുളം മധു തുടങ്ങിയവരും പങ്കെടുത്തിരുന്നു.
ഡി സി സി പ്രസിഡൻ്റുമായുള്ള അഭിപ്രായ ഭിന്നതയാണ് മുന്‍ പ്രസിഡൻ്റുമാരുടെ ബഹിഷ്‌കരണത്തിനു കാരണമായത്. പാര്‍ട്ടിയുടെ പൊതുനയങ്ങളില്‍ നിന്നു വ്യതിചലിക്കുന്ന തരത്തില്‍ ഡി സി സി പ്രസിഡൻ്റ് പെരുമാറുന്നുവെന്നും ജില്ലയില്‍ പാര്‍ട്ടിയെ സജീവമാക്കുന്നതില്‍ പരാജയപ്പെട്ടെന്നും ഇവര്‍ ആരോപിച്ചു. സമീപകാലത്തു നിസാര കാരണങ്ങള്‍ ചുമത്തി കൂടിയാലോചനയോ വിശദീകരണമോ തേടാതെ പാര്‍ട്ടി നടപടികള്‍ക്കു വിധേയരായി പുറത്തു നില്‍ക്കുന്നവരെ തിരികെയെടുക്കണമെന്നും ഇവരെക്കൂടി ഉള്‍പ്പെടുത്തിവേണം പുനഃസംഘടന നടത്താനെന്നും ആവശ്യപ്പെട്ടായിരുന്നു പ്രതിഷേധം.
ഇക്കാര്യങ്ങള്‍ കെ പി സി സിയുമായി ആലോചിച്ച് തീരുമാനം അറിയിക്കാമെന്ന മറുപടി നേതൃത്വത്തിൻ്റെ ഭാഗത്തുനിന്നുണ്ടായതോടെയാണ് മുന്‍ പ്രസിഡൻ്റുമാര്‍ ഇറങ്ങിപ്പോയത്.
—
Latest
National
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
Educational News
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
Kerala
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
Kerala
തിരുവനന്തപുരത്ത് ബിടെക് വിദ്യാര്‍ഥി ആറ്റില്‍ മുങ്ങിമരിച്ചു
Health
ശബ്ദത്തിലെ ചെറിയ മാറ്റങ്ങൾ നിസ്സാരമായെടുക്കരുത്
Kerala
ലോക്‌സഭാ തിരഞ്ഞെടുപ്പ്; സംസ്ഥാനത്ത് 30,238 വോട്ടിങ് യന്ത്രങ്ങള്‍ ഉപയോഗിക്കും
Kerala