National
സെക്യൂരിറ്റി ഡ്രില്‍ 31ലേക്ക് മാറ്റി
ഗുജറാത്ത്, പഞ്ചാബ്, രാജസ്ഥാന്‍, ജമ്മു കശ്മീര്‍ എന്നീ സംസ്ഥാനങ്ങളിലെ അതിര്‍ത്തി ജില്ലകളിലാണ് സുരക്ഷാ ഏജന്‍സികള്‍ ഡ്രില്‍ നടത്തുക.
ന്യൂഡല്‍ഹി | പാകിസ്താനുമായി അതിര്‍ത്തി പങ്കിടുന്ന ജില്ലകളില്‍ മെയ് 31-ന് സെക്യൂരിറ്റി ഡ്രില്‍. ഗുജറാത്ത്, പഞ്ചാബ്, രാജസ്ഥാന്‍, ജമ്മു കശ്മീര്‍ എന്നീ സംസ്ഥാനങ്ങളിലെ അതിര്‍ത്തി ജില്ലകളിലാണ് സുരക്ഷാ ഏജന്‍സികള്‍ ഡ്രില്‍ നടത്തുക. അതിര്‍ത്തി കടന്നുളള ഭീഷണികള്‍ക്ക് സാധ്യതയുളള പ്രദേശങ്ങളില്‍ തയ്യാറെടുപ്പ് വര്‍ധിപ്പിക്കാനും അവബോധം നല്‍കുന്നതിനുമാണ് സെക്യൂരിറ്റി ഡ്രില്‍ നടത്തുന്നത്.
നേരത്തെ ഇന്ന് നടത്താന്‍ തീരുമാനിച്ചിരുന്ന ഡ്രില്‍ 31ലേക്ക് മാറ്റുകയായിരുന്നു. ഓപറേഷന്‍ സിന്ദൂറിനു ശേഷം പാകിസ്താന്‍ നിരന്തരം പ്രത്യാക്രമണ ശ്രമങ്ങള്‍ നടത്തിയ പശ്ചാത്തലത്തിലാണ് സെക്യൂരിറ്റി ഡ്രില്‍ നടത്താന്‍ തീരുമാനിച്ചത്. കണ്‍ട്രോള്‍ റൂമുകളുടെയും വ്യോമാക്രമണ മുന്നറിയിപ്പ് സംവിധാനങ്ങളുടെയും പ്രവര്‍ത്തനക്ഷമത പരിശോധിക്കുകയാണ് സെക്യൂരിറ്റി ഡ്രില്ലുകളുടെ പ്രാഥമിക ലക്ഷ്യം.
പാകിസ്താനുമായി അതിര്‍ത്തി പങ്കിടുന്ന ജില്ലകളില്‍ ഇനി മാസംതോറും ഇത്തരം സെക്യൂരിറ്റി ഡ്രില്ലുകള്‍ നടത്തുമെന്നും അധികൃതര്‍ അറിയിച്ചു. ഈ സമയങ്ങളില്‍ പ്രദേശത്ത് താമസിക്കുന്നവര്‍ അതീവ ജാഗ്രത പുലര്‍ത്തുകയും അധികൃതര്‍ നല്‍കുന്ന നിര്‍ദേശങ്ങള്‍ പാലിക്കുകയും വേണമെന്നും നിര്‍ദേശിച്ചിട്ടുണ്ട്.
Latest
സ്‌കൂള്‍ തുറക്കുന്നത് ജൂണ്‍ രണ്ടിന് തന്നെ, കാലാവസ്ഥ നോക്കിയ ശേഷം മാറ്റം വേണോ എന്ന കാര്യം തീരുമാനിക്കും; മന്ത്രി വി ശിവന്‍കുട്ടി
യു ഡി എഫിലെ ചിലര് പിണറായിസം മാറ്റിവച്ചു: പി വി അന്‍വര്‍
ആലുവയില്‍ ലോറിയുടെ പിന്നിലിടിച്ച് കാര്‍ പൂര്‍ണ്ണമായി കത്തിനശിച്ചു; അപകടത്തില്‍ ആര്‍ക്കും പരുക്കില്ല
തീവണ്ടിയില്‍ കൊച്ചിയിലെത്തി മോഷ്ടിച്ച ബൈക്കില്‍ മാലപൊട്ടിക്കല്‍; രണ്ട് യു പിക്കാര്‍ പിടിയില്‍
ആലപ്പുഴ ഹരിപ്പാട് മത്സ്യബന്ധനത്തിന് പോയ വള്ളം മറിഞ്ഞ് യുവാവ് മരിച്ചു
അട്ടപ്പാടിയില്‍ കാട്ടാന ആക്രമണത്തില്‍ പരുക്കേറ്റ് ചികിത്സയിലായിരുന്നയാള്‍ മരിച്ചു
