Kerala
മൂന്നാമത് അന്താരാഷ്ട്ര ആയുഷ് കോണ്ഫറന്സില് മര്കസ് വിദ്യാര്ഥികള് പങ്കെടുക്കും
വേള്ഡ് ആയുര്വേദ ഫൗണ്ടേഷനും ഇന്ത്യന് ആയുഷ് മന്ത്രാലയവും ചേര്ന്നാണ് സമ്മേളനം സംഘടിപ്പിക്കുന്നത്
നോളജ് സിറ്റി | ദുബായ് വേള്ഡ് ട്രേഡ് സെന്ററില് നാളെ (ഞായര്) മുതല് ഈ മാസം 17 വരെ നടക്കുന്ന മൂന്നാമത് അന്താരാഷ്ട്ര ആയുഷ് കോണ്ഫറന്സില് മര്കസ് യുനാനി മെഡിക്കല് കോളജിലെ നാല് വിദ്യാര്ഥികള് പങ്കെടുക്കും. മര്കസ് യൂനാനി മെഡിക്കല് കോളജ് രണ്ടാം വര്ഷ വിദ്യാര്ത്ഥികളായ അല്വാരിസ് അഹ്മദ് നുഹ്മാന് പി എ, അല്വാരിസ് മുഹമ്മദ് ശമ്മാസ്, ശഫാന പി, ഫാത്വിമതുല് മുര്ശിദ എന്നിവര്ക്കാണ് ക്ഷണം ലഭിച്ചത്. കൂടാതെ, ഡോ. ഹന ബിന്സി, ഡോ. ഫാത്വിമതുസന, ആദില് എന് കെ എന്നീ പൂര്വ വിദ്യാര്ഥികള്ക്കും കോണ്ഫ്രന്സിന് ക്ഷണം ലഭിച്ചിട്ടുണ്ട്.
വേള്ഡ് ആയുര്വേദ ഫൗണ്ടേഷനും ഇന്ത്യന് ആയുഷ് മന്ത്രാലയവും ചേര്ന്നാണ് സമ്മേളനം സംഘടിപ്പിക്കുന്നത്. മുപ്പതോളം രാജ്യങ്ങളില് നിന്നുള്ള പ്രതിനിധികള് കോണ്ഫറന്സില് സംബന്ധിക്കും. ‘മാനസിക – ശാരീരിക ആരോഗ്യ സംരക്ഷണത്തില് ആയുഷിന്റെ ഇടപെടലുകള്’ എന്ന വിഷയത്തിലാണ് വിദ്യാര്ഥികള് പ്രബന്ധം അവതരിപ്പിക്കുന്നത്. അല്വാരിസ് അഹ്മദ് നുഹ്മാന് പി എ, അല്വാരിസ് മുഹമ്മദ് ശമ്മാസ് എന്നിവര് നോളജ് സിറ്റിയിലെ തന്നെ വിറാസ് വിദ്യാര്ഥികള് കൂടിയാണ്. മര്കസ് നോളജ് സിറ്റി മാനേജ്മെന്റ്, മര്കസ് യുനാനി മെഡി. കോളജ് സ്റ്റാഫ് കൗണ്സില്, വിറാസ് അക്കാദമിക് കൗണ്സില് വിദ്യാര്ത്ഥികളെ അനുമോദിച്ചു.
Latest
മൂന്നാമത് അന്താരാഷ്ട്ര ആയുഷ് കോണ്ഫറന്സില് മര്കസ് വിദ്യാര്ഥികള് പങ്കെടുക്കും
ദൗത്യം പൂര്ത്തിയാക്കി; കുഞ്ഞ് ആലിന് നാളെ സ്മരണകളില് പറന്നുയരും
കമ്യൂണിസം തിരസ്കരിക്കപ്പെട്ട പ്രത്യയശാസ്ത്രം; ആര് ഭരിച്ചാലും ഞാന് കോണ്ഗ്രസുകാരന് തന്നെയായിരിക്കും: രമേഷ് പിഷാരടി
അന്തര്ദേശീയ ഫാല്ക്കണ് സംഘടനയില് ഇന്ത്യക്ക് അംഗത്വം; പുതിയ സാധ്യതകള് തുറക്കും
കണ്ണന് ഗോപിനാഥന് പ്രൊഫഷണല് കോണ്ഗ്രസില്
മുഖ്യമന്ത്രിക്ക് കട്ടില് വാങ്ങിയെന്നത് തെറ്റായ പ്രചാരണം; ആഗോള അയ്യപ്പ സംഗമത്തിന്റെ കണക്കുകളില് വന്നത് ചില പൊരുത്തക്കേടുകള് മാത്രമെന്ന് ദേവസ്വം
