Kerala
എല് ഡി എഫിനേറ്റത് പ്രതീക്ഷിക്കാത്ത തിരിച്ചടി; ഇടതുപക്ഷം ദുര്ബലപ്പെട്ടാല് കേരളം തകരും: ഇ പി ജയരാജന്
ഇടതുപക്ഷത്തെ ശക്തിപ്പെടുത്താന് കഴിയാവുന്നതെല്ലാം ചെയ്യും.
കണ്ണൂര് | പ്രതീക്ഷിക്കാത്ത തിരിച്ചടിയാണ് ഇടതുപക്ഷത്തിന് നിയമസഭാ തിരഞ്ഞെടുപ്പില് നേരിട്ടതെന്ന് സി പി എം നേതാവും എല് ഡി എഫ് മുന് കണ്വീനറുമായ ഇ പി ജയരാജന്. ഇടതുപക്ഷം ദുര്ബലപ്പെട്ടാല് അത് കേരളത്തിന്റെ തന്നെ തകര്ച്ചയായിരിക്കുമെന്നും കണ്ണൂരില് മാധ്യമങ്ങളോട് സംസാരിക്കവേ ജയരാജന് പറഞ്ഞു.
എല് ഡി എഫ് ഭരിച്ച കഴിഞ്ഞ പത്തു വര്ഷത്തില് സംസ്ഥാനത്തെ എല്ലാ രംഗങ്ങളിലും പുരോഗതിയും അത്ഭുതാവഹമായ വളര്ച്ചയും ഉണ്ടായി. എന്നാല്, ജനവിധി അനുകൂലമായില്ല. ഇടതുപക്ഷത്തെ ശക്തിപ്പെടുത്താന് കഴിയാവുന്നതെല്ലാം ചെയ്യും.
നിയമസഭയിലേക്ക് 102 പേരെ എത്തിക്കാന് കഴിഞ്ഞിട്ടും മുഖ്യമന്ത്രിയായി ഒരാളെ കണ്ടെത്താന് സാധിക്കാത്തത് കോണ്ഗ്രസ്സിന്റെയും യു ഡി എഫിന്റെയും തകര്ച്ചയാണ് കാണിക്കുന്നതെന്നും ജയരാജന് പറഞ്ഞു.
ലോകം ഇന്ന് നേരിടുന്ന പ്രശ്നം ഇടതുപക്ഷത്തിന്റെ തകര്ച്ചയാണ്. ഇടതുപക്ഷം ദുര്ബലപ്പെട്ടതാണ് ലോകത്തിന്റെ ഇന്നത്തെ നാശത്തിന് കാരണം. തീവ്രവാദിയായ ട്രംപിന്റെ നേതൃത്വത്തിലുള്ള വലതുപക്ഷത്തിന്റെ മുന്കൈയാണ് നാശം വിതക്കുന്നത്. മാധ്യമ ശൃംഖലയെ മുഴുവന് അവര് കൈയടക്കി വച്ചിരിക്കുകയാണെന്നും ജയരാജന് കൂട്ടിച്ചേര്ത്തു.
Latest
നീറ്റ് ചോദ്യപേപ്പര് ചോര്ച്ച; അറസ്റ്റിലായവരില് യുവമോര്ച്ചാ നേതാവും സഹോദരനും
മുഖ്യമന്ത്രി നാളെ; പാര്ലിമെന്ററി പാര്ട്ടി യോഗം കെ പി സി സി ആസ്ഥാനത്ത്
ഹിജാബ് നിരോധനം; കര്ണാടകയില് ബി ജെ പി സര്ക്കാരിന്റെ ഉത്തരവ് റദ്ദാക്കി; കോണ്ഗ്രസ് സര്ക്കാര് കാത്തിരുന്നത് മൂന്നു വര്ഷം
മോഷണത്തിലും 'കൂള്'; ജ്വല്ലറിയില് നിന്നും 1.5 കോടിയുടെ ആഭരണങ്ങള് മോഷ്ടിക്കുന്ന ജീവനക്കാരിയുടെ ദൃശ്യങ്ങള് പുറത്ത്
മുഖ്യമന്ത്രി പ്രഖ്യാപനം വൈകാന് കാരണം ലീഗ് അടക്കമുള്ള ഘടകകക്ഷികളുടെ ഇടപെടല്: സുകുമാരന് നായര്
സുഹൃത്തിന്റെ പ്രായപൂര്ത്തിയാകാത്ത മകളെ ലൈംഗീകമായി പീഡിപ്പിച്ച കേസില് മധ്യവയസ്കന് അറസ്റ്റില്
