Kerala
കലോത്സവം: സമയക്രമം പാലിക്കാന് നടപടിയുണ്ടാകുമെന്ന് മന്ത്രി വി ശിവന്കുട്ടി
ആദ്യ ദിവസം മൊത്തം 60 ഇനങ്ങളില് 41 എണ്ണം കൃത്യസമയത്ത് പൂര്ത്തീകരിക്കാനായി.
കോഴിക്കോട് | സംസ്ഥാന സ്കൂള് കലോത്സവത്തില് പരിപാടികളുടെ സമയക്രമം കൃത്യമായി പാലിക്കാന് നടപടിയുണ്ടാകുമെന്ന് പൊതുവിദ്യാഭ്യാസമന്ത്രി വി ശിവന്കുട്ടി. ആദ്യ ദിവസം മൊത്തം 60 ഇനങ്ങളില് 41 എണ്ണം കൃത്യസമയത്ത് പൂര്ത്തീകരിക്കാനായതായി മന്ത്രി അറിയിച്ചു.
ആദ്യ ക്ലസ്റ്ററില് മത്സരിക്കാന് കാണിക്കുന്ന വിമുഖതയാണ് പലയിടത്തും മത്സരങ്ങള് തുടങ്ങാനും വൈകി പൂര്ത്തിയാകാനും കാരണം. ഇക്കാര്യത്തില് മത്സരാര്ഥികളും രക്ഷിതാക്കളും അധ്യാപകരും ശ്രദ്ധിക്കണം. മൂന്ന് തവണ വിളിച്ചു കഴിഞ്ഞിട്ടും മത്സരാര്ഥി വേദിയില് എത്തിയില്ലെങ്കില് മത്സരിക്കാനുള്ള അര്ഹത നഷ്ടപ്പെടുന്ന സാഹചര്യമുണ്ടാകും. അതൊഴിവാക്കാന് എല്ലാവരും സഹകരിക്കണമെന്നും മന്ത്രി അഭ്യര്ഥിച്ചു.
---- facebook comment plugin here -----