Kerala
ജസ്റ്റിസ് മണികുമാര്‍ മനുഷ്യാവകാശ കമ്മീഷന്‍ അധ്യക്ഷനാകും; വിയോജിപ്പുമായി പ്രതിപക്ഷ നേതാവ്
സര്‍ക്കാര്‍ ശിപാര്‍ശയില്‍ ഗവര്‍ണര്‍ തീരുമാനമെടുക്കും
തിരുവനന്തപുരം | ഹൈക്കോടതി ചീഫ് ജസ്റ്റിസായി വിരമിച്ച എസ് മണികുമാറിനെ സംസ്ഥാന മനുഷ്യാവകാശ കമ്മീഷന്‍ അധ്യക്ഷനാക്കാന്‍ സര്‍ക്കാര്‍ ശിപാര്‍ശ. പ്രതിപക്ഷ നേതാവിന്റെ വിയോജനകുറിപ്പ് തള്ളിക്കൊണ്ടാണ് ഉന്നത സമിതി തീരുമാനം.
മുഖ്യമന്ത്രിയും സ്പീക്കറും പ്രതിപക്ഷ നേതാവും ഉള്‍പ്പെട്ട സമിതിയാണ് ഇത് സംബന്ധിച്ച ശിപാര്‍ശ മുന്നോട്ടുവെച്ചത്. ഇതില്‍ സ്പീക്കര്‍ എ എന്‍ ഷംസീറും മുഖ്യമന്ത്രി പിണറായി വിജയനും മണികുമാറിനെ മനുഷ്യാവകാശ കമ്മീഷന്‍ അധ്യക്ഷനാക്കുന്നതിനെ അനുകൂലിച്ചപ്പോള്‍, പ്രതിപക്ഷ നേതാവ് വി ഡി സതീശന്‍ വിയോജിക്കുകയായിരുന്നു. എന്നാല്‍ സര്‍ക്കാര്‍ ശിപാര്‍ശയില്‍ ഗവര്‍ണറാണ് അന്തിമ തീരുമാനമെടുക്കേണ്ടത്.
നിയമനവുമായി ബന്ധപ്പെട്ട് അവിശ്വാസം രേഖപ്പെടുത്തിയ പ്രതിപക്ഷ നേതാവ് വി ഡി സതീശന്‍, ജസ്റ്റിസ് മണികുമാറിന്റെ പ്രവര്‍ത്തനം നീതിയുക്തവും നിഷ്പക്ഷവുമായിരിക്കുമോയെന്ന സംശയവും വിയോജനക്കുറിപ്പില്‍ ഉന്നയിച്ചു.
അര്‍ഹരായവരുടെ പേരും അനുബന്ധ വിവരങ്ങളും പ്രതിപക്ഷ നേതാവ് ഉള്‍പ്പെടെയുള്ള മറ്റ് അംഗങ്ങളെ അറിയിച്ച് അവരുടെ അഭിപ്രായം ആരാഞ്ഞ ശേഷമേ അധ്യക്ഷനെ തിരഞ്ഞെടുക്കാറുള്ളൂ.
എന്നാല്‍ സമിതി അംഗമായ തനിക്ക് അര്‍ഹരായവരുടെ പേരും അനുബന്ധ വിവരങ്ങളും മുന്‍കൂട്ടി ലഭിച്ചിരുന്നില്ല. തികച്ചും ഏകപക്ഷീയമായി ഒരു പേര് മാത്രം യോഗത്തില്‍ അറിയിക്കുകയായിരുന്നു. ഈ നടപടി ജനാധിപത്യ വിരുദ്ധവും ദുരൂഹവുമാണെന്നും പ്രതിപക്ഷ നേതാവ് വ്യക്തമാക്കി.
Latest
ലൈംഗികാതിക്രമം ; പ്രജ്വല്‍ രേവണ്ണ ഉടന്‍ കീഴടങ്ങിയേക്കും
തിരുവനന്തപുരത്തും ആലപ്പുഴയിലും കടലാക്രമണം ; തീരദേശത്തുള്ളവരെ മാറ്റിപ്പാര്‍പ്പിച്ചു
എയര്‍ കൂളറില്‍ നിന്ന് ഷോക്കേറ്റ് രണ്ട് വയസ്സുകാരന്‍ മരിച്ചു
പ്രചാരണത്തിന് പണമില്ല ; പത്രിക പിന്‍വലിച്ച സുചാരിത മൊഹന്തിക്ക് പകരം കോണ്‍ഗ്രസ് പുതിയ സ്ഥാനാര്‍ഥിയെ പ്രഖ്യാപിച്ചു
മൂന്നാം ഘട്ട വോട്ടെടുപ്പ് ; പരസ്യ പ്രചാരണം ഇന്ന് അവസാനിക്കും
താനൂര്‍ കസ്റ്റഡി കൊലപാതകം ; സിബിഐ നാളെ കസ്റ്റഡി അപേക്ഷ സമര്‍പ്പിക്കും
