കായംകുളത്ത് ഭാര്യയെ കൊന്ന് കുളത്തില്‍ തള്ളി ഭര്‍ത്താവ് ജീവനൊടുക്കി

ആലപ്പുഴ | കായംകുളത്ത് ഭാര്യയെ കൊന്ന് കുളത്തില്‍ തള്ളി ഭര്‍ത്താവ് ജീവനൊടുക്കി. കൃഷ്ണപുരം കൊച്ചുമുറി വാലയ്യത്ത് വീട്ടില്‍ സുധന്‍ (60), ഭാര്യ സുഷമ (54) എന്നിവരെയാണ് മരിച്ച നിലയില്‍ കണ്ടെത്തിയത്.

സുധനെ തൂങ്ങിമരിച്ച നിലയിലും ഭാര്യ സുഷമയെ കുളത്തില്‍ മരിച്ച നിലയിലുമാണ് കണ്ടെത്തിയത്. സുഷമയെ കൊലപ്പെടുത്തിയശേഷം ഭര്‍ത്താവ് സുധന്‍ ആത്മഹത്യ ചെയ്തതാണെന്ന് പോലീസ് അറിയിച്ചു.തലയ്ക്കു പിന്നില്‍ മര്‍ദനമേറ്റതാണ് സുഷമയുടെ മരണകാരണമെന്ന് പ്രാഥമിക പോസ്റ്റ്‌മോര്‍ട്ടം റിപ്പോര്‍ട്ട്.

സുഷമയെ മര്‍ദിച്ച് കൊലപ്പെടുത്തി കുളത്തില്‍ തള്ളിയെന്നാണ് പോലീസ് വിശദീകരണം. സുഷമയുടെ ശരീരത്തില്‍ മര്‍ദനമേറ്റ പാടുകളുണ്ട്. നട്ടെല്ലും വാരിയെല്ലും ഒടിഞ്ഞിട്ടുണ്ട്. സുധനെ വീടിന് സമീപത്തെ പുളിമരത്തിലാണ് തൂങ്ങി മരിച്ച നിലയില്‍ കണ്ടതെന്നും പോലീസ് അറിയിച്ചു.