International
ഫ്രാന്‍സിലെ പ്രതിഷേധം: പൗരന്മാര്‍ക്ക് ജാഗ്രതാ നിര്‍ദ്ദേശം നല്‍കി ജര്‍മ്മനി
വരും ദിവസങ്ങളില്‍ കൂടുതല്‍ പ്രതിഷേധങ്ങളും അക്രമ സംഭവങ്ങളും ഉണ്ടാകാനുള്ള സാധ്യതയുണ്ടെന്നും മന്ത്രാലയം വെക്തമാക്കി
ബെര്‍ലിന്‍ | ഫ്രാന്‍സിലെ അക്രമാസക്തമായ പ്രതിഷേധങ്ങളെ തുടര്‍ന്ന് ജര്‍മ്മന്‍ പൗരന്മാരോട് ജാഗ്രത പാലിക്കാനും പ്രതിഷേധങ്ങളില്‍ നിന്ന് വിട്ടുനില്‍ക്കാനും ജര്‍മ്മന്‍ വിദേശകാര്യ മന്ത്രാലയം. വരും ദിവസങ്ങളില്‍ കൂടുതല്‍ പ്രതിഷേധങ്ങളും അക്രമ സംഭവങ്ങളും ഉണ്ടാകാനുള്ള സാധ്യതയുണ്ടെന്നും മന്ത്രാലയം വെക്തമാക്കി.
ജീവിതച്ചെലവ് വര്‍ധിച്ചതിനെതിരെ ശനിയാഴ്ച ഫ്രാന്‍സിലുടനീളം നടന്ന പ്രതിഷേധങ്ങളില്‍ അഞ്ച് ലക്ഷത്തോളം ആളുകള്‍ പങ്കെടുക്കുകയും 2,500റിലധികം പേരെ പോലീസ് അറസ്റ്റ് ചെയ്യുകയും ചെയ്തു. ഫ്രഞ്ച് പ്രസിഡന്റ് ഇമ്മാനുവല്‍ മാക്രോണിന്റെ ആദ്യ ഭരണകാലത്ത് അദ്ദേഹത്തിന് വലിയ വെല്ലുവിളിയുയര്‍ത്തിയ യെല്ലോ വെസ്റ്റ് പ്രസ്ഥാനവും തൊഴിലാളി യൂണിയനുകളും സ്‌കൂള്‍ വിദ്യാര്‍ത്ഥികളും പ്രതിഷേധങ്ങളുടെ ഭാഗമായി.
പ്രതിഷേധങ്ങള്‍ അക്രമാസക്തമായി മാറി.ലിമോഗെസ് നഗരത്തില്‍ 19ാം നൂറ്റാണ്ടില്‍ നിര്‍മ്മിച്ച ടൗണ്‍ ഹാള്‍ പ്രതിഷേധക്കാര്‍ തീവെപ്പില്‍ നശിപ്പിച്ചു. അക്രമാസക്തമായ പ്രതിഷേധങ്ങളില്‍ നിന്ന് മാറിനില്‍ക്കാന്‍ നിര്‍ദ്ദേശിച്ചിട്ടും അതിന് തയ്യാറാകാത്തവരെ നാശനഷ്ടങ്ങളുടെ ഉത്തരവാദികളാക്കി പിഴയൊ നിയമനടപടികളോ നേരിടേണ്ടി വരുമെന്നും ജര്‍മ്മന്‍ വിദേശകാര്യ മന്ത്രാലയം മുന്നറിയിപ്പ് നല്‍കി.
Latest
അശുതോഷ് റാങ്കയും സൗരവ് ദാസും ജുഡീഷ്യല്‍ കസ്റ്റഡിയില്‍ തുടരും; ജാമ്യ ഹരജി തള്ളി
'ഒന്നും മറന്നിട്ടില്ല വിജയാ'; കോട്ടയത്ത് ഉമ്മന്‍ചാണ്ടിയുടെ ചിത്രവുമായി ഫ്‌ലെക്‌സ് ബോര്‍ഡുകള്‍
ഫ്രാന്‍സിലെ പ്രതിഷേധം: പൗരന്മാര്‍ക്ക് ജാഗ്രതാ നിര്‍ദ്ദേശം നല്‍കി ജര്‍മ്മനി
ഹാര്‍ബറിലെ ശുചിമുറി ടാങ്കില്‍ മൃതദേഹ അവശിഷ്ടങ്ങള്‍ കണ്ടെത്തിയ സംഭവം കൊലപാതകം; പ്രകോപനമായത് ചീത്തവിളിച്ചത്
മണിപ്പൂര്‍ വീണ്ടും അശാന്തം: നാല് പേര്‍ കൊല്ലപ്പെട്ടു; മുഖ്യമന്ത്രിയുടെ വസതിക്ക് മുന്നില്‍ മൃതദേഹങ്ങളുമായി പ്രതിഷേധം
നേതാക്കള്‍ പരസ്യ പ്രതികരണം നടത്തി തലവേദനയുണ്ടാക്കരുത്, പരിധി വിട്ടതുകൊണ്ടാണ് പരസ്യമായി പറയുന്നത്: കെപിസിസി അധ്യക്ഷന്‍ സണ്ണി ജോസഫ്
