Kerala
ഗവണ്മെന്റ് മെഡിക്കല് കോളേജിലെ ഡോക്ടര്മാര് സമരം പിന്വലിച്ചു
ആരോഗ്യവകുപ്പ് അഡീഷണല് ചീഫ് സെക്രട്ടറിയുമായി കെ ജി എം സി ടി എ നടത്തിയ ചര്ച്ചയിലാണ് സമരം താല്ക്കാലികമായി പിന്വലിക്കാന് തീരുമാനിച്ചത്
തിരുവനന്തപുരം | കഴിഞ്ഞ 17 ദിവസമായി സമരത്തിലായിരുന്നു ഗവണ്മെന്റ് മെഡിക്കല് കോളേജിലെ ഡോക്ടര്മാര് സമരം പിന്വലിച്ചു. ആരോഗ്യവകുപ്പ് അഡീഷണല് ചീഫ് സെക്രട്ടറിയുമായി കേരള ഗവണ്മെന്റ് മെഡിക്കല് കോളേജ് ടീച്ചേഴ്സ് അസോസിയേഷന് (കെ ജി എം സി ടി എ) നടത്തിയ ചര്ച്ചയിലാണ് സമരം താല്ക്കാലികമായി പിന്വലിക്കാന് തീരുമാനിച്ചത്.
18 മാസത്തെ ശമ്പള കുടിശ്ശിക ഉടന് അനുവദിക്കാമെന്ന് ഉറപ്പ് ലഭിച്ചെന്നും ആശുപത്രികളുടെ നിലവാരം വര്ധിപ്പിക്കുന്ന കാര്യത്തില് സര്ക്കാര് ഉറപ്പു നല്കിയെന്നും കെ ജി എം സി ടി എ വാര്ത്താകുറിപ്പില് അറിയിച്ചു .രോഗികളുടെയും വിദ്യാര്ത്ഥികളുടെയും ബുദ്ധിമുട്ടുകള് കണക്കിലെടുത്ത് നിലവിലെ സമരപരിപാടികള് ഒരാഴ്ചത്തേക്കാണ് താല്ക്കാലികമായി നീട്ടിവെക്കുന്നതായും ഭാരവാഹികള് അറിയിച്ചു.
ഒ.പി, അധ്യയനം, മുന്കൂട്ടി നിശ്ചയിച്ച ശസ്ത്രക്രിയകള് എന്നിവയില് നിന്നുള്ള വിട്ടുനില്ക്കല് അടുത്ത ഒരാഴ്ചത്തേക്ക് താല്ക്കാലികമായി മാറ്റിവെച്ചു. നിരാഹാര സമരവും നിര്ത്തി. ഒരാഴ്ചയ്ക്കകം ഉറപ്പു നല്കിയ പ്രകാരമുള്ള ഉത്തരവിറങ്ങുന്നില്ലെങ്കില് കൂടുതല് ശക്തമായ സമരപരിപാടികളുമായി മുന്നോട്ട് പോകുമെന്നും സംഘടന അറിയിച്ചു.
Latest
വയനാട് ഫണ്ട്: കോണ്ഗ്രസ് പിരിച്ച തുകയെത്രയെന്ന ചോദ്യവുമായി ഡി വൈ എഫ് ഐ
മലപ്പുറം ജില്ലാ പഞ്ചായത്ത്; ലീഗ് വനിതാ നേതാക്കള്ക്കിടയില് കൊമ്പുകോര്ക്കല്
ഗവണ്മെന്റ് മെഡിക്കല് കോളേജിലെ ഡോക്ടര്മാര് സമരം പിന്വലിച്ചു
അമ്മത്തൊട്ടിലില് കരയുന്ന കുഞ്ഞിനു പകരം തിളങ്ങുന്ന നാണയത്തുട്ടുകള്
ഒരു തുള്ളിവെള്ളത്തിന്റെ വിലയറിഞ്ഞ് നോമ്പനുഭവം നേടി അവര്
ഭാര്യവീട്ടിലെ ബാത്ത്റൂമിൽ എംഡിഎംഎ ഒളിപ്പിച്ച നവവരൻ പിടിയിൽ
