National
ഡല്‍ഹിയിലും പരിസര പ്രദേശങ്ങളിലുമായി അനവധി സ്‌കൂളുകളില്‍ ബോംബ് ഭീഷണി
ഡല്‍ഹിയിലെ ദ്വാരക ഡി പി എസ്, സന്‍സ്‌കൃതി, മയൂര്‍ വിഹാര്‍ മദര്‍ മേരി, നോയിഡ ഡി പി എസ് എന്നീ സ്‌കൂളുകളിലാണ് ബോംബ് ഭീഷണി.
ന്യൂഡല്‍ഹി | ഡല്‍ഹിയിലും പരിസര പ്രദേശങ്ങളിലുമായി അനവധി സ്‌കൂളുകളില്‍ ബോംബ് ഭീഷണി.ദ്വാരകയിലെയും വസന്ത് കുഞ്ജിലെയും ഡല്‍ഹി പബ്ലിക് സ്‌കൂള്‍ (ഡി പി എസ്) യൂനിറ്റുകള്‍, ഈസ്റ്റ് മയൂര്‍ വിഹാറിലെ മദര്‍ മേരി സ്‌കൂള്‍, സന്‍സ്‌ക്രിതി സ്‌കൂള്‍, പുഷ്പ് വിഹാറിലെ ഏമിറ്റി സ്‌കൂള്‍, തെക്കുപടിഞ്ഞാറന്‍ ഡല്‍ഹിയിലെ ഡി എ വി സ്‌കൂള്‍, നോയിഡയിലെ ഡി പി എസ് തുടങ്ങിയയിടങ്ങളിലാണ് ബോംബ് ഭീഷണി ഉയര്‍ന്നത്.
ഇന്ന് പുലര്‍ച്ചെ നാലോടെയാണ് ഭീഷണി സന്ദേശം വന്നത്. ഒരേ കേന്ദ്രത്തില്‍ നിന്നാണ് സന്ദേശമെത്തിയത്.
പോലീസ് സ്‌കൂളുകള്‍ ഒഴിപ്പിച്ച് പരിശോധന നടത്തി. ഡല്‍ഹി പോലീസ് സ്പെഷ്യല്‍ സെല്‍ അന്വേഷണം ആരംഭിച്ചിട്ടുണ്ട്. ഭീഷണി എത്തിയ ഇമെയില്‍ സന്ദേശം കേന്ദ്രീകരിച്ചാണ് അന്വേഷണം നടത്തുക.
ഒന്നും കണ്ടെത്താനായില്ല
പരിശോധനയില്‍ ഒന്നും കണ്ടെത്താനായില്ലെന്നും ആശങ്കപ്പെടാനായി ഒന്നുമില്ലെന്നും ഡല്‍ഹി ഡി സി പി വ്യക്തമാക്കി. പോലീസ് പരിശോധനയില്‍ ഒന്നും കണ്ടെത്താന്‍ കഴിഞ്ഞിട്ടില്ലെന്ന് ഡല്‍ഹി മന്ത്രി അതീഷി മര്‍ലെനയും അറിയിച്ചു.
Latest
സിംഗപ്പൂര്‍ എയര്‍ലൈന്‍സ് വിമാനം ആകാശച്ചുഴിയില്‍ പെട്ടു; ബ്രിട്ടീഷുകാരന്‍ മരിച്ചു, 30 പേര്‍ക്ക് പരുക്ക്
മത്സ്യങ്ങള്‍ കൂട്ടത്തോടെ ചത്തു പൊന്തിയ സംഭവം: അന്വേഷണത്തിന് ഉത്തരവ്
കെ എസ് ആര്‍ ടി സി ഡ്രൈവര്‍ക്കെതിരായ പരാതി; മേയറുടെ രഹസ്യമൊഴി രേഖപ്പെടുത്തി
ചികിത്സാ പിഴവുകള്‍; ഉന്നതതലയോഗം വിളിച്ച് ആരോഗ്യ മന്ത്രി
ആദ്യ സംഘം മലയാളി ഹാജിമാര്‍ക്ക് മക്കയില്‍ ഉജ്ജ്വല സ്വീകരണം
ഭരണ പ്രതിസന്ധിയില്‍ നിന്ന് കരകയറുമോ ഇറാന്‍
