Kerala
കാറും ബൈക്കും കൂട്ടിയിടിച്ച് ബൈക്ക് യാത്രികന് മരിച്ചു
കാറിലുണ്ടായിരുന്ന രണ്ടു യാത്രക്കാരും പരുക്കേല്ക്കാതെ രക്ഷപ്പെട്ടു.
മൂവാറ്റുപുഴ| മൂവാറ്റുപുഴ-കൂത്താട്ടുകുളം കാറും ബൈക്കും കൂട്ടിയിടിച്ചുണ്ടായ അപകടത്തില് ബൈക്ക് യാത്രികന് മരിച്ചു. അഞ്ചല്പ്പെട്ടി സ്വദേശി ചായേലില് പുത്തന്പുരയില്റോയ് വര്ഗീസ് (60) ആണ് മരിച്ചത്.മൂവാറ്റുപുഴ ഭാഗത്തുനിന്നു കൂത്താട്ടുകുളം ഭാഗത്തേക്കു പോവുകയായിരുന്ന ബൈക്കിലേക്കു പണ്ടപ്പിള്ളി ഭാഗത്തുനിന്നു മൂവാറ്റുപുഴ ഭാഗത്തേക്കു തിരിയുകയായിരുന്ന കാര് ഇടിക്കുകയായിരുന്നു.
കാറിലുണ്ടായിരുന്ന രണ്ടു യാത്രക്കാരും പരുക്കേല്ക്കാതെ രക്ഷപ്പെട്ടു. ഇന്ന് രാവിലെ ഒന്പതോടെയാണ് അപകടമുണ്ടായത്. അപകടത്തില് ഗുരുതരമായി പരുക്കേറ്റ റോയിയെ മൂവാറ്റുപുഴയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പോസ്റ്റ്മോര്ട്ടത്തിനു ശേഷം ബന്ധുക്കള്ക്കു വിട്ടു നല്കും.അപകടത്തെത്തുടര്ന്ന് എംസി റോഡില് ഗതാഗതം തടസപ്പെട്ടു. മൂവാറ്റുപുഴ പോലീസെത്തി റോഡില്നിന്നു വാഹനങ്ങള് നീക്കം ചെയ്തു ഗതാഗതം പുനഃസ്ഥാപിച്ചു.
Latest
ലോക ആയുഷ് സമ്മേളനത്തിന് ഞായറാഴ്ച തുടക്കം
സ്കൂളുകളിൽ 13 വയസ്സിന് താഴെയുള്ള കുട്ടികൾക്ക് കൃത്രിമ ബുദ്ധി നിരോധിച്ചു
പുനലൂരില് കാട്ടുപന്നിയുടെ ആക്രമണത്തില് തോട്ടം തൊഴിലാളി മരിച്ചു
പറവൂരില് ലോഡുമായി വന്ന ലോറി നിയന്ത്രണം വിട്ട് മറിഞ്ഞു
വന് സൈബര് തട്ടിപ്പ്; കൊല്ലത്ത് 67കാരന് നഷ്ടമായത് 1.65 കോടി രൂപ
പാലായിലെ പിഴവുകള് തിരുത്തി മുന്നോട്ട് പോകും; ജോസ് കെ മാണിയുടെ സ്ഥാനാര്ഥിത്വം ആവര്ത്തിച്ച് മന്ത്രി റോഷി അഗസ്റ്റിന്
