ആശാ പ്രവര്‍ത്തകരുടെ രാപ്പകല്‍ സമരയാത്രക്ക് ഇന്ന് കാസര്‍ക്കോട്ടുനിന്നും തുടക്കം

തിരുവനന്തപുരം |  വിവിധ ആവശ്യങ്ങള്‍ ഉന്നയിച്ച് സമരം തുടരുന്ന സംസ്ഥാനത്തെ ആശാപ്രവര്‍ത്തകരുടെ രാപ്പകല്‍ സമരയാത്ര ഇന്നു തുടങ്ങും. രാവിലെ 10ന് കാസര്‍കോട്ടു നിന്നുമാണ് സമരയാത്ര ആരംഭിക്കുക.കേരള ആശ ഹെല്‍ത്ത് വര്‍ക്കേഴ്സ് അസോസിയേഷന്‍ സെക്രട്ടേറിയറ്റിനു മുന്നില്‍ നടത്തിവരുന്ന അനിശ്ചിതകാല രാപ്പകല്‍ സമരത്തിന്റെ അടുത്തഘട്ടമായാണ് 45 ദിവസം നീണ്ടു നില്‍ക്കുന്ന സമരയാത്ര സംഘടിപ്പിക്കുന്നത്. സമരയാത്രയുടെ കൂടെ കലാസംഘവും അണിചേരും.

ഇന്നു ബദിയടുക്ക, കുറ്റിങ്ങല്‍ എന്നിവിടങ്ങളില്‍ നിന്ന് സ്വീകരണം ഏറ്റുവാങ്ങി വൈകുന്നേരം അഞ്ചിന് കാഞ്ഞങ്ങാട് സമാപിക്കും. ചൊവ്വാഴ്ച സമരയാത്ര 9.30ന് പരപ്പയില്‍ നിന്നാരംഭിച്ച് തൃക്കരിപ്പൂരില്‍ സമാപിക്കും.