Eranakulam
അന്‍സിലിന്റെ മരണം കൊലപാതകം; പെണ്‍ സുഹൃത്ത് അറസ്റ്റില്‍
ചേലാട് സ്വദേശിനി അദീനയാണ് അറസ്റ്റിലായത്.
കൊച്ചി | കോതമംഗലത്ത് മാതിരപ്പിള്ളി സ്വദേശി അന്‍സിലിനെ മരിച്ച നിലയില്‍ കണ്ടെത്തിയ സംഭവം കൊലപാതകമാണെന്ന് സ്ഥിരീകരിച്ചു. സംഭവത്തില്‍ അന്‍സിലിന്റെ പെണ്‍ സുഹൃത്ത് ചേലാട് സ്വദേശിനി അദീനയെ പോലീസ് അറസ്റ്റ് ചെയ്തു.
വിഷം ഉള്ളില്‍ച്ചെന്നാണ് അന്‍സില്‍ മരിച്ചതെന്ന് പരിശോധനയില്‍ വ്യക്തമായിരുന്നു. മറ്റൊരാളുമായി അടുപ്പത്തിലായ അദീന, അന്‍സിലിനെ ഒഴിവാക്കാനായി വിഷം നല്‍കുകയായിരുന്നുവെന്നാണ് പോലീസിന്റെ കണ്ടെത്തല്‍. ഇരുവരും തമ്മില്‍ സാമ്പത്തിക തര്‍ക്കങ്ങളും നിലനിന്നിരുന്നുവെന്നാണ് പോലീസ് പറയുന്നത്.
ചേലാടുള്ള കടയില്‍ നിന്ന് വാങ്ങിയ കളനാശിനിയാണ് അന്‍സിലിന് അദീന കലക്കി നല്‍കിയതെന്ന് പോലീസ് അറിയിച്ചു. എന്നാല്‍, എന്തിലാണ് വിഷം കലക്കി നല്‍കിയതെന്ന് അറിവായിട്ടില്ല. വീട്ടിലേക്ക് വിളിച്ച് വരുത്തി വിഷം നല്‍കുകയായിരുന്നുവെന്ന് അന്‍സിലിന്റെ സുഹൃത്ത് വെളിപ്പെടുത്തിയിരുന്നു.
Latest
ഇന്ത്യ റഷ്യന്‍ എണ്ണ വാങ്ങുന്നത് നിര്‍ത്തിയതിനെ സ്വാഗതം ചെയ്ത് ട്രംപ്
വനത്തിനുള്ളില്‍ വീട്ടമ്മയും പശുവും മരിച്ച നിലയില്‍
ഛത്തീസ്ഗഡില്‍ ജയിലില്‍ കഴിയുന്ന മലയാളി കന്യാസ്ത്രീകളുടെ ജാമ്യാപേക്ഷയില്‍ വിധി ഇന്ന്
സഹോദരങ്ങള്‍ക്കൊപ്പം കളിക്കുന്നതിനിടെ കാണാതായ കുട്ടി വെള്ളക്കെട്ടില്‍ മരിച്ച നിലയില്‍
കാന്‍പുറില്‍ നിന്ന് ഗുജറാത്തിലേക്ക് പോവുകയായിരുന്നു ട്രെയിന്‍ പാളം തെറ്റി
സിനിമാ നടന്‍ കലാഭവന്‍ നവാസ് അന്തരിച്ചു
