Kozhikode
മര്കസ് യുനാനി മെഡിക്കല് കോളജിന് എയ്ഡഡ് പദവി; കേരളത്തിന്റെ ആരോഗ്യ വിദ്യാഭ്യാസ മേഖലക്ക് മുതല്ക്കൂട്ടാകും: ഡോ. അസ്ഹരി
സംസ്ഥാനത്തെ യുനാനി വൈദ്യശാസ്ത്ര രംഗത്തിന് പുതിയ ദിശാബോധം നല്കുന്നതാണ് സര്ക്കാര് തീരുമാനം. ആരോഗ്യ മേഖലയില് മര്കസ് നടത്തിവരുന്ന ദീര്ഘവീക്ഷണമുള്ള ഇടപെടലുകള്ക്കുള്ള അംഗീകാരമാണ് ഇത്.
നോളജ് സിറ്റി | കേരളത്തിലെ ഏക യുനാനി മെഡിക്കല് കോളജായ മര്കസ് യുനാനി മെഡിക്കല് കോളജിന് സംസ്ഥാന സര്ക്കാരിന്റെ എയ്ഡഡ് പദവി ലഭിച്ചത് കേരളത്തിന്റെ ആരോഗ്യ വിദ്യാഭ്യാസ മേഖലക്ക് വലിയ മുതല്ക്കൂട്ടാകുമെന്ന് മര്കസ് സെക്രട്ടറി ഡോ. മുഹമ്മദ് അബ്ദുല് ഹക്കീം അസ്ഹരി. സംസ്ഥാനത്തെ യുനാനി വൈദ്യശാസ്ത്ര രംഗത്തിന് പുതിയ ദിശാബോധം നല്കുന്നതാണ് സര്ക്കാര് തീരുമാനം. ആരോഗ്യ മേഖലയില് മര്കസ് നടത്തിവരുന്ന ദീര്ഘവീക്ഷണമുള്ള ഇടപെടലുകള്ക്കുള്ള അംഗീകാരമാണ് ഇതെന്നും അസ്ഹരി പറഞ്ഞു.
സര്ക്കാരിന്റെ എയ്ഡഡ് പദവി ലഭിച്ചതോടെ സാധാരണക്കാരായ വിദ്യാര്ഥികള്ക്ക് കേരളത്തില് തന്നെ യുനാനി വൈദ്യശാസ്ത്രം പഠിക്കാനുള്ള മികച്ച അവസരമാണ് കൈവന്നിരിക്കുന്നത്. ഇത് സംസ്ഥാനത്തെ ആയുഷ് മേഖലയെ ശക്തിപ്പെടുത്തുന്നതിനും കൂടുതല് പേര്ക്ക് ശാസ്ത്രീയമായ യുനാനി ചികിത്സ ലഭ്യമാക്കുന്നതിനും വഴിയൊരുക്കും. കേരളത്തിന്റെ ആരോഗ്യ വിദ്യാഭ്യാസ മേഖലയിലെ ദീര്ഘകാല ആവശ്യമാണ് ഇതിലൂടെ നിറവേറ്റപ്പെടുന്നതെന്നും അസ്ഹരി വ്യക്തമാക്കി.
2015ല് പ്രവര്ത്തനം ആരംഭിച്ച മര്കസ് യുനാനി മെഡിക്കല് കോളജ് കേരള യൂണിവേഴ്സിറ്റി ഓഫ് ഹെല്ത്ത് സയന്സസിലാണ് അഫിലിയേറ്റ് ചെയ്തിരിക്കുന്നത്. കൂടാതെ ന്യൂഡല്ഹിയിലെ നാഷണല് കമ്മീഷന് ഫോര് ഇന്ത്യന് സിസ്റ്റം ഓഫ് മെഡിസിന്റെ അംഗീകാരവും സ്ഥാപനത്തിനുണ്ട്. ഇതുവരെ അഞ്ച് ബാച്ചുകളിലായി 262 വിദ്യാര്ഥികള് ബി യു എം എസ് പഠനം പൂര്ത്തിയാക്കി പുറത്തിറങ്ങി. നീറ്റ് വഴി പ്രവേശനം നേടുന്ന ഇവിടുത്തെ വിദ്യാര്ഥികള് പഠനശേഷം കേന്ദ്ര-സംസ്ഥാന സര്ക്കാരുകളുടെ വിവിധ ആതുരാലയങ്ങളിലും അനുബന്ധ ആരോഗ്യ സംരക്ഷണ കേന്ദ്രങ്ങളിലും സേവനം ചെയ്തുവരികയാണ്.
Latest
ഇറാനിയന് കപ്പല് ആക്രമിക്കപ്പെട്ടത് ഗൗരവതരം; കേന്ദ്രത്തിന്റെ പ്രതികരണം പ്രതിഷേധാര്ഹം: മുഖ്യമന്ത്രി
പുഴയില് കുളിക്കുന്നതിനിടെ ചുഴിയില്പ്പെട്ടു; വിദ്യാര്ഥി മുങ്ങിമരിച്ചു
ഇന്ത്യന് വ്യോമസേനയുടെ സുഖോയ് വിമാനവുമായുള്ള ബന്ധം നഷ്ടപ്പെട്ടു; തകര്ന്നുവീണതായി സംശയം
മര്കസ് യുനാനി മെഡിക്കല് കോളജിന് എയ്ഡഡ് പദവി; കേരളത്തിന്റെ ആരോഗ്യ വിദ്യാഭ്യാസ മേഖലക്ക് മുതല്ക്കൂട്ടാകും: ഡോ. അസ്ഹരി
വിവിധ വകുപ്പുകളില് പുതിയ തസ്തികകള് സൃഷ്ടിക്കും; സ്പോര്ട്സ് ക്വാട്ടയില് പുതിയ നിയമനത്തിന് അപേക്ഷ ക്ഷണിക്കും
വയനാട് തുരങ്കപാത: പാറ പൊട്ടിക്കുന്നത് ഉൾപ്പെടെ നിർമ്മാണ പ്രവർത്തനങ്ങൾക്ക് നാളെ തുടക്കം
