എയ്ഡഡ് സ്‌കൂള്‍ അധ്യാപികയായ ഭാര്യയ്ക്ക് 14 വര്‍ഷമായി ശമ്പളമില്ല; ഭര്‍ത്താവ് ജീവനൊടുക്കി

പത്തനംതിട്ട|പത്തനംതിട്ട നാറാണംമുഴിയില്‍ എയ്ഡഡ് സ്‌കൂള്‍ അധ്യാപികയായ ഭാര്യയ്ക്ക് 14 വര്‍ഷമായി ശമ്പളമില്ലാത്തതില്‍ മനംനൊന്ത് ഭര്‍ത്താവ് ജീവനൊടുക്കി. നാറാണംമുഴി സ്വദേശി ഷിജോ ത്യാഗരാജന്‍ ആണ് ജീവനൊടുക്കിയത്. നാറാണംമുഴി സെന്റ് ജോസഫ് സ്‌കൂളിലെ അധ്യാപികയാണ് ഷിജോയുടെ ഭാര്യ.  14 വര്‍ഷത്തെ ശമ്പളം നല്‍കാന്‍ ഹൈക്കോടതി ഉത്തരവിട്ടിരുന്നു. എന്നാല്‍ ഡിഇഒ ഓഫീസില്‍ നിന്ന് തുടര്‍നടപടിയുണ്ടായില്ല. വിദ്യാഭ്യാസ മന്ത്രി പറഞ്ഞിട്ട് പോലും ഉദ്യോഗസ്ഥര്‍ കേട്ടില്ലന്നും ഷിജോയുടെ കുടുംബം ആരോപിച്ചു.

ഷിജോ മകന്റെ എഞ്ചിനിയറിങ് പ്രവേശനത്തിന് പണം കണ്ടെത്താനുള്ള തിരക്കിലായിരുന്നു. ഭാര്യയുടെ മുടങ്ങിക്കിടക്കുന്ന ശമ്പളം കൂടി ലഭിച്ചാല്‍ ഇതിന് പണം കണ്ടെത്താമെന്ന പ്രതീക്ഷയിലായിരുന്നു. അതുകൂടി ഇല്ലാതായതോടെയാണ് ഷിജോ ജീവനൊടുക്കിയതെന്നും കുടുംബം പറഞ്ഞു.

(ശ്രദ്ധിക്കുക, ആത്മഹത്യ ഒന്നിനും പരിഹാരമല്ല, മാനസികാരോഗ്യവിദഗ്ധരുടെ സഹായം തേടാം. Helpline 1056. 0471 – 2552056)