അബ്ദുല്‍ റഹീമിന്റെ മോചനം; സഊദി കോടതി കേസ് ഇന്ന് വീണ്ടും പരിഗണിക്കും

കോഴിക്കോട്  | സഊദി ജയിലില്‍ കഴിയുന്ന കോഴിക്കോട് സ്വദേശി അബ്ദുല്‍ റഹീമിന്റെ മോചനവുമായി ബന്ധപ്പെട്ട കേസ് റിയാദിലെ കോടതി ഇന്ന് വീണ്ടും പരിഗണനക്കെടുക്കും. ഇന്ത്യന്‍ സമയം ഉച്ചക്ക് രണ്ടിനാണ് കേസ് പരിഗണിക്കുക. ഇന്ന് മോചന ഉത്തരവ് ഉണ്ടാകുമെന്ന പ്രതീക്ഷയിലാണ് അബ്ദുല്‍റഹീമും കുടുംബവും നിയമസഹായ സമിതിയും.

കഴിഞ്ഞ ജൂലൈ രണ്ടിന് അബ്ദുറഹീമിന്റെ കേസ് കോടതി റദ്ദാക്കിയെങ്കിലും ജയില്‍ മോചന ഉത്തരവ് പുറപ്പെടുവിച്ചിരുന്നില്ല. പബ്ലിക് ഓഫന്‍സുമായി ബന്ധപ്പെട്ട കേസ് തീര്‍പ്പാകാത്തതാണ് ഇതിന് കാരണം എന്നാണ് റിപോര്‍ട്ട്. ഇതിന് മുമ്പ് പല തവണ കോടതി കേസ് പരിഗണിച്ചിരുന്നുവെങ്കിലും അന്തിമ വിധി പറയുന്നത് നീട്ടി വെക്കുകയായിരുന്നു. സഊദി ബാലന്‍ മരിച്ച കേസില്‍ 18 വര്‍ഷമായി റിയാദിലെ ജയിലില്‍ കഴിയുകയാണ് അബ്ദുറഹീം