Kerala
കോഴിക്കോട് മുക്കത്ത് തിയറ്റര്‍ കെട്ടിടത്തില്‍ കിടന്നുറങ്ങിയ യുവാവ് താഴെ വീണ് മരിച്ചു
ഇന്ന് രാവിലെ ജീവനക്കാര്‍ എത്തിയപ്പോഴാണ് യുവാവിനെ താഴെ മരിച്ച നിലയില്‍ കണ്ടെത്തിയത്
കോഴിക്കോട്| കോഴിക്കോട് മുക്കത്ത് തിയറ്റര്‍ കെട്ടിടത്തില്‍ കിടന്നുറങ്ങിയ യുവാവ് താഴെ വീണു മരിച്ചു. മുക്കം പി സി തിയറ്ററിന്റെ പാരപ്പെറ്റില്‍ നിന്നും താഴെ വീണാണ് മരിച്ചത്. മുക്കം കുറ്റിപ്പാല സ്വദേശി കോമളന്‍ (41) ആണ് മരിച്ചത്. ഇന്ന് രാവിലെ ജീവനക്കാര്‍ എത്തിയപ്പോഴാണ് യുവാവിനെ താഴെ മരിച്ച നിലയില്‍ കണ്ടെത്തിയത്. താഴെ വീണ് രക്തം വാര്‍ന്ന നിലയിലായിരുന്നു മൃതദേഹം.
കോമളന്റെ ഭാര്യ നിമിഷ തിയറ്ററില്‍ ശുചീകരണ തൊഴിലാളിയാണ്. ഇയാള്‍ രാത്രി ഇവിടെ കിടക്കാറുണ്ടെന്ന് തിയറ്റര്‍ ഉടമകള്‍ പറഞ്ഞു. തിയറ്റര്‍ കെട്ടിടത്തിന്റെ വശങ്ങളിലായി ബാല്‍ക്കെണിപോലെയുള്ള പാരപ്പെറ്റ് ഭാഗത്താണ് ഇയാള്‍ കിടന്നുറങ്ങിയിരുന്നത്. ഉറങ്ങുന്നതിനിടെ അബദ്ധത്തില്‍ താഴെ വീണതാകാമെന്നാണ് കരുതുന്നത്.
സ്ഥലത്ത് പോലീസെത്തി തുടര്‍ നടപടികള്‍ സ്വീകരിച്ചു. മൃതദേഹം സ്വകാര്യ മെഡിക്കല്‍ കോളജിലേക്ക് മാറ്റി.
Latest
ഡ്രഡ്ജിങ് നടത്താത്തതില്‍ നാട്ടുകാരുടെ പ്രതിഷേധം; മുതലപ്പൊഴിയില്‍ സംഘര്‍ഷം
ഐവിന്‍ ജിജോ കൊലക്കേസ്: പ്രതികളെ റിമാന്‍ഡ് ചെയ്തു
തദ്ദേശീയ ഓര്‍ക്കിഡുകള്‍ക്ക് കാപ്പാട് ബീച്ചില്‍ പുനര്‍ജന്മം
പഞ്ചാബിലെ തരണ്‍ തരണില്‍ വന്‍ ലഹരിമരുന്ന് വേട്ട; പിടിച്ചത് 85 കിലോ ഹെറോയിന്‍
ഇറാഖി ചരക്ക് കപ്പല്‍ കാര്‍വാര്‍ തുറമുഖത്ത്; പാക്, സിറിയന്‍ പൗരന്മാരെ തിരിച്ചയച്ച് തീരദേശ സേന
സാധാരണ സി പി എം ചെയ്യുന്ന പണിയാണ് കള്ളവോട്ടെന്ന് ചെന്നിത്തല
