പെഗാസസില്‍ പ്രതിഷേധിച്ചു; ആറ് തൃണമൂല്‍ കോണ്‍ഗ്രസ് എംപിമാരെ സസ്‌പെന്റ് ചെയ്തു

ന്യൂഡല്‍ഹി | പെഗാസസ് വിഷയത്തിലെ പ്രതിഷേധിച്ചുവെന്ന പേരില്‍ ആറ് തൃണമൂല്‍ കോണ്‍ഗ്രസ് എംപിമാരെ രാജ്യസഭയില്‍ നിന്ന് സസ്പെന്റ് ചെയ്തു. സഭയില്‍ പ്ലക്കാര്‍ഡുകള്‍ ഉയര്‍ത്തി പ്രതിഷേധിച്ചതിനാണ് നടപടി. ഡോള സെന്‍, നദീമുള്‍ ഹക്ക്, അബീര്‍ രഞ്ജന്‍ ബിശ്വാസ്, ശാന്ത ഛേത്രി, അര്‍പിത ഘോഷ്, മൗസം നൂര്‍ എന്നിവരെയാണ് സസ്‌പെന്റ് ചെയ്തത്. .

പെഗാസസ് പ്രശ്നം ചര്‍ച്ച ചെയ്യണമെന്ന് ആവശ്യപ്പെട്ട് തൃണമൂല്‍ അംഗങ്ങള്‍ ഉള്‍പ്പെടെയുള്ള പ്രതിപക്ഷ നേതാക്കള്‍ സഭയില്‍ പ്ലക്കാര്‍ഡുകള്‍ ഉയര്‍ത്തി പ്രതിഷേധിച്ചിരുന്നു. ഇതിനെതിരെ റൂള്‍ 255 പ്രകാരം നടപടി എടുക്കുമെന്നു രാജ്യസഭാ ചെയര്‍മാന്‍ വെങ്കയ്യ നായിഡു മുന്നറിയിപ്പ് നല്‍കിയിരുന്നു.