പെരുന്നാള്‍ ആഘോഷം: മനു അഭിഷേക് സിംഗ്‌വിയെ തള്ളി ഉമ്മന്‍ചാണ്ടി

തിരുവനന്തപുരം |  പെരുന്നാള്‍ ആഘോഷവുമായി ബന്ധപ്പെട്ട് സംസ്ഥാനത്ത് ലോക്ക്ഡൗണ്‍ നിയന്ത്രണങ്ങളില്‍ ഇളവ് നല്‍കിയതില്‍ തെറ്റില്ലെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. പെരുന്നാള്‍ ഇളവിനെ വിമര്‍ശിച്ച് കോണ്‍ഗ്രസ് ദേശീയ നേതാവ് മനു അഭിഷേക് സിംഗ്‌വി നടത്തിയ പരാമര്‍ശത്തോട് പ്രതികരിക്കുകയായിരുന്നു അദ്ദേഹം.

സര്‍ക്കാര്‍ നല്‍കിയ ഇളവ് സംസ്ഥാനത്ത് ആരും ദുരുപയോഗം ചെയ്യുന്നില്ല. അതിനാല്‍ ഇളവ് നല്‍കിയ നടപടി തെറ്റായിയെന്ന് പറയാന്‍ കഴിയില്ല. നല്ല രീതിയില്‍ മാത്രമേ ഇളവ് ഉപയോഗിക്കൂവെന്നും ഉമ്മന്‍ ചാണ്ടി പറഞ്ഞു.

കേരളം കൊവിഡ് കിടക്കയിലാണെന്നും കന്‍വാര്‍ യാത്ര നടത്തുന്നത് തെറ്റെങ്കില്‍ പെരുന്നാള്‍ ആഘോഷവും തെറ്റാണെന്നുമായിരുന്നു സിംഗ് വിയുടെ പ്രതികരണം.