മന്ത്രി വി എസ് സുനില്‍കുമാറിന് വീണ്ടും കൊവിഡ്

തൃശൂര്‍ | മന്ത്രി വി എസ് സുനില്‍കുമാറിന് വീണ്ടും കൊവിഡ് ബാധിച്ചു. ഇന്ന് നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. ഇതേ തുടര്‍ന്ന് മന്ത്രിയെ തൃശൂര്‍ മെഡിക്കല്‍ കോളജിലേക്ക് മാറ്റും.

മന്ത്രിയുമായി സമ്പര്‍ക്കം പുലര്‍ത്തിയവര്‍ നിരീക്ഷണത്തില്‍ പോകണമെന്ന് നിര്‍ദേശിച്ചിട്ടുണ്ട്. സുനില്‍ കുമാറിന് നേരത്തെ കൊവിഡ് സ്ഥിരീകരിച്ചിരുന്നു.

കഴിഞ്ഞ സെപ്തംബര്‍ 23നാണ് കൊവിഡ് ബാധിതനായി അദ്ദേഹം ചികിത്സയില്‍ പ്രവേശിച്ചത്. പിന്നീട് കൊവിഡ് ഭേദമായി പൊതുരംഗത്ത് സജീവമായിരുന്നു.