24 മണിക്കൂറിനിടെ പതിനായിരത്തിലേറെ കൊവിഡ് മരണങ്ങള്‍

ന്യൂയോര്‍ക്ക് |  ലോകത്ത് കുതിച്ച് ഉയര്‍ന്ന് കൊവിഡ്. 24 മണിക്കൂറിനിടെ അഞ്ച് ലക്ഷത്തിലധികം പേര്‍ക്കാണ് വൈറസ് സ്ഥിരീകരിച്ചത്. ഇതോടെ ആകെ കേസുകളുടെടെ എണ്ണം പന്ത്രണ്ട് കോടി എണ്‍പത്തിയേഴ് ലക്ഷം പിന്നിട്ടു. വേള്‍ഡോമീറ്ററിന്റെ കണക്കുപ്രകാരം 10,000ത്തിലധികം മരണങ്ങളാണ് കഴിഞ്ഞദിവസം റിപ്പോര്‍ട്ട് ചെയ്തത്. ആകെ മരണസംഖ്യ ഇരുപത്തിയെട്ട് ലക്ഷം പിന്നിട്ടു.

ലോകത്ത് ഏറ്റവും കേസുള്ള അമേരിക്കയില്‍ 3.10 കോടി പേര്‍ക്കാണ് ഇതിനകം രോഗം സ്ഥിരീകരിച്ചത്. ഇവിടെ 5.64 ലക്ഷം പേര്‍ക്ക് കൊവിഡിനാണ് ജീവനും നഷ്ടപ്പെട്ടു. ബ്രസീല്‍(1.26 കോടി), ഇന്ത്യ(1.21 കോടി), ഫ്രാന്‍സ്( 45 ലക്ഷം),റഷ്യ (45 ലക്ഷം)ബ്രിട്ടന്‍ (43 ലക്ഷം), ഇറ്റലി( 35 ലക്ഷം), തുര്‍ക്കി (32 ലക്ഷം), സ്പെയിന്‍ (32 ലക്ഷം), ജര്‍മനി(28 ലക്ഷം) എന്നീ രാജ്യങ്ങളാണ് ആദ്യ പത്ത് സ്ഥാനങ്ങളിലുള്ളത്.