24 മണിക്കൂറിനിടെ ലോകത്ത് നാല് ലക്ഷം കൊവിഡ് കേസുകള്‍

ന്യൂയോര്‍ക്ക്|  കൊവിഡ് ആശങ്ക ഒഴിയാതെ ലോകം. കഴിഞ്ഞ 24 മണിക്കൂറിനിടെ മാത്രം നാല് ലക്ഷത്തിലേറെ കേസുകളാണ് റിപ്പോര്‍ട്ട് ചെയ്തത്. ഇതോടെ ആകെ കൊവിഡ് കേസുകള്‍ പന്ത്രണ്ട് കോടി പന്ത്രണ്ട് ലക്ഷം കടന്നു. വൈറസിന്റെ പിടിയില്‍പ്പെട്ട് ഇതിനകം 26.81 ലക്ഷം പേര്‍ക്ക് ജീവന്‍ നഷ്ടപ്പെട്ടു. നിലവില്‍ രണ്ട് കോടിയിലധികം പേരാണ് ചികിത്സയിലുള്ളത്.

ലോകത്ത് ഏറ്റവും കൂടുതല്‍ കേസുള്ള അമേരിക്കയില്‍ ആകെ വൈറസ് ബാധിതരുടെ എണ്ണം മൂന്ന് കോടി പിന്നിട്ടു. അരലക്ഷത്തിലധികം പേര്‍ക്കാണ് കഴിഞ്ഞ ദിവസം കൊവിഡ് സ്ഥിരീകരിച്ചത്. 5.49 ലക്ഷം പേരാണ് വൈറസ് ബാധ മൂലം മരണമടഞ്ഞത്. എഴുപത് ലക്ഷത്തിലധികം പേര്‍ ചികിത്സയിലുണ്ട്.
രോഗികളുടെ എണ്ണത്തില്‍ ഇന്ത്യയെ മറികടന്ന് ബ്രസീല്‍ രണ്ടാം സ്ഥാനത്തെത്തി. ഒരു കോടി പതിനാറ് ലക്ഷം പേര്‍ക്കാണ് ബ്രസീലില്‍ കൊവിഡ് സ്ഥിരീകരിച്ചത്. 80,000ത്തിലധികം പുതിയ കേസുകള്‍ റിപ്പോര്‍ട്ട് ചെയ്തു.2.82 ലക്ഷം പേര്‍ മരിച്ചു. ഇന്ത്യയില്‍ ഒരു കോടി പതിനാല് ലക്ഷം രോഗബാധിതരാണ് ഉള്ളത്.